ఎన్టీఆర్ పక్కన హీరోయిన్స్ ఎవరు అంటే!

ఎన్టీఆర్ – త్రివిక్రమ్ కాంబినేషన్ లో వచ్చిన  ‘అరవింద సమేత’ ఎంత పెద్ద హిట్ అయిందో వేరే చెప్పనవసరం లేదు. ఇప్పుడు మళ్లీ అదే కాంబినేషన్ లో ఓ సినిమా రాబోతుంది. దాంతో ఈసినిమా పై భారీ అంచనాలు పెరిగిపోయాయి. ఇందులో ఎన్టీఆర్ పాత్ర ఎలా ఉండబోతుంది…అసలు కథ ఏంటి అని ఇప్పటినుండే చర్చలు మొదలయ్యాయి.

త్రివిక్రమ్ ప్రస్తుతం ఈ కథకు తుది మెరుగులు దిద్దుతున్నాడు. ఇక ఈమూవీ ను తెలుగు తో పాటు తమిళ, హిందీ భాషల్లో కూడా రిలీజ్ చేయాలనీ ప్లాన్ చేస్తున్నారు. కథ పరంగా ఈసినిమా లో ఇద్దరు హీరోయిన్స్ కావాలి.దాంతో తమిళ .. హిందీ భాషల్లోను మంచి క్రేజ్ కలిగివున్న కథానాయికలను తీసుకోవాలనే దిశగా ప్రయత్నాలు చేస్తున్నారు. అందుకే జాన్వీకపూర్ .. పూజ హెగ్డే పేర్లు వినిపించాయి. రీసెంట్ గా శ్రుతి హాసన్ పేరు విపిస్తుంది. అన్ని కుదిరితే ఈసినిమా రెండుమూడు నెలల్లో స్టార్ట్ చేసి వచ్చే సమ్మర్ రిలీజ్ చేయాలనుకుంటున్నారు.