పూజ.. సమంత అంతా ట్రాష్

పవన్ కళ్యాణ్ రీ ఎంట్రీ మూవీ దిల్ రాజు నిర్మాతగా.. అంటూ ప్రచారం జరగడం.. నిన్నమొన్నటివరకు ఈ సినిమాపై ఎలాంటి అప్ డేట్ లేకపోవడంతో పవన్ రాజకీయాలనుండి రాడు, ఈ సినిమా లేదు అనే టాక్ ఓ లెవల్లో నడిచింది. తాజాగా ఎలాంటి హడావిడి లేకుండా పవన్ కళ్యాణ్ చెయ్యబోయే పింక్ రీమేక్ ఈ రోజు శుక్రవారం దిల్ రాజు ఆఫీస్ లో పూజ కార్యక్రమాలతో.. సైలెంట్ గా స్టార్ట్ అయ్యిది. పవన్ కళ్యాణ్ లేకుండానే ఈ సినిమాని మొదలు పెట్టేసారు దర్శకనిర్మాతలు, వేణు శ్రీరామ్ దర్శకత్వంలో పవన్ కళ్యాణ్ చెయ్యబోయే ఈ పింక్ రీమేక్ లో మొదట్లో పూజ హెగ్డే హీరోయిన్ అన్నారు. అలాగే పూజ కాదు సమంత అయితే బావుంటుందని దిల్ రాజు సమంత ని సంప్రదించారని టాక్ నడిచింది.

తాజాగా తెలుగు హీరోయిన్ అంజలి కి పవన్ కళ్యాణ్ పింక్ రీమేక్ లో హీరోయిన్ ఆఫర్ వచ్చిందని, అలాగే మరో అభినయ నటి నివేత థామస్ కూడా పింక్ రీమేక్ లో నటించడం కన్ఫర్మ్ అంటూ ఫిలింసర్కిల్స్ లో జోరుగా ప్రచారం జరుగుతుంది. అంజలికి సీతమ్మ వాకిట్లో సిరిమల్లె చెట్టు తర్వాత బడా హీరోల సినిమాల్లో ఆఫర్స్ రాకపోయినా.. ఏదో ఓ సినిమాతో టాలీవుడ్ కి వచ్చివెళుతూనే ఉంది. ఇక నివేత థామస్ మంచి నటి, మంచి హిట్స్ ఉన్నప్పటికీ… ఆమె హైట్ ఆమెకి శాపంలా మారింది. తాజాగా పవన్ కళ్యాణ్ సినిమాలో ఈ ఇద్దరు హీరోయిన్స్ పక్కా అంటే వాళ్ళ దశ తిరిగినట్లే. ఇక మూడో హీరోయిన్ అయిన మెయిన్ లీడ్ హీరోయిన్ గా ఎవరిని తీసుకుంటారో అనే ఊహాగానాలు ఓ రేంజ్ లో మొదలయ్యాయి. అయితే పింక్ ఒరిజినల్ సినిమాలో నటించిన తాప్సి అయితేనే కరెక్ట్ అంటున్నారట దర్శకనిర్మాతలు. మరి తాప్సి పవన్ కళ్యాణ్ సరసన చెయ్యడానికి ఏమంటుందో చూడాలి.