ఎందుకు అలా ఖండించింది

ప్రస్తుతం సీనియర్ హీరోలతో సినిమాలు చేసిన పాయల్ రాజపుట్ బాలయ్య – బోయపాటి సినిమా లో నటించబోతున్నట్లుగా వార్తలొస్తున్నాయి. వెంకటేష్ తో వెంకిమామ, రవి తేజ తో డిస్కో రాజా చేసిన పాయల్ రాజపుట్ ఇక సీనియర్ హీరోలకే ఫిక్స్ అనుకున్నారు. అంతకుముందు బోల్డ్ పాత్రలతో హైలెట్ అయిన పాయల్ రాజపుట్ ప్రస్తుతం సీనియర్ హీరోలతోనే సర్దుకోవాలి.. లేదంటే పాయల్ రాజపుట్ కి అవకాశాలు ఉండవనే అన్నారు. అందుకే బాలయ్య సినిమాలో పాయల్ రాజపుట్ అనగానే అందరిలో అనుమానం లేకుండా నిజమనే అనుకున్నారు. బాలకృష్ణ కోసం పాయల్ ని బోయపాటి సంప్రదిస్తున్నారనే న్యూస్ నడుస్తుంది.

కానీ తాజాగా పాయల్ రాజపుట్ బాలయ్య సినిమాలో తాను నటిసున్నాననే వార్తలపై క్లారిటీ ఇచ్చింది. బాలకృష్ణ సర్ సినిమాలో నేను హీరోయిన్ గా చేస్తున్నా అని వస్తున్న వార్తల్లో నిజం లేదని… నేను ఇంతవరకు కొత్త సినిమా కోసం సంతకం చెయ్యలేదని చెబుతుంది. అయితే బాలయ్య సినిమాలో చెయ్యడం లేదని ఖండించాల్సిన అవసరం ఏముంది.. పాయల్ పేరు బాలయ్యకి తగిలిస్తే ఆమె క్రేజ్ ఏమైనా తగ్గుతుందా అని నందమూరి ఫ్యాన్స్ పాయల్ పై ఫైర్ అవుతున్నారు.