ప్రేమదేశం హీరో కాలికి సర్జరీ.. ఎమోషనల్ పోస్ట్

2015 తర్వాత సినిమాలకు గుడ్ బై చెప్పేసిన అబ్బాస్.. ఫ్యామిలీతో కలిసి విదేశాల్లో సాఫ్ట్ వేర్ ఇంజినీర్ గా సెటిలయ్యారు. ఇటీవల అబ్బాస్ స్వల్ప అనారోగ్యానికి గురయ్యారు. ఆయన కుడికాలి మోకాలికి సర్జరీ చేయాల్సి వచ్చింది. అందుకోసం కాలిపై ఉన్న వెంట్రుకలను కూడా తొలగించారు. సర్జరీ పూర్తయ్యాక అబ్బాస్ ఆస్పత్రి బెడ్ పై ఉన్న ఫోటోని షేర్ చేసి.. "ఆస్పత్రిలో ఉన్న సమయంలో నా మనసంతా గందరగోళంగా ఉంది. నా భయాన్ని అధిగమించేందుకు చాలా ప్రయత్నించాను. శస్త్రచికిత్స పూర్తయ్యాక కొంత ఉపశమనం కలిగింది. నాకోసం ప్రార్థించిన ప్రతి ఒక్కరికీ ధన్యవాదాలు" అని రాసుకొచ్చారు. అబ్బాస్ త్వరగా కోలుకోవాలని నెటిజన్లు, అభిమానులు కామెంట్స్ చేస్తున్నారు.