ఎన్టీఆర్ కు రెస్ట్ ఇచ్చిన రాజ‌మౌళి

రాజమౌళి దర్శకత్వంలో తెరకెక్కుతున్న భారీ చిత్రం #RRR ప్రస్తుతం రెండో షెడ్యూల్ షూటింగ్ జరుపుకుంటుంది. రామ్ చరణ్ – ఎన్టీఆర్ నటిస్తున్న ఈ సినిమాపై ఎప్పటినుండో అంచనాలు ఉన్నాయి. బాహుబలి తరువాత వస్తున్న చిత్రం కాబట్టి ప్రేక్షకుల్లో అంచనాలు ఒక రేంజ్ లో ఉన్నాయి. మొన్నటివరకు రామ్ చరణ్ – ఎన్టీఆర్ కాంబినేషన్ లో సీన్స్ తీశారు. కానీ ఇప్పుడు ఒక్క రామ్ చరణ్ పై మాత్రమే షూటింగ్ జరుపుతున్నారు.

హీరోయిన్స్ ఎవ‌రో మ‌రి…

తారక్ కి రెస్ట్ ఇచ్చి కేవలం రామ్ చరణ్ పైనే షూట్ చేస్తున్నారు. చరణ్ ఈ సీన్ లో పదులు సంఖ్యలో ఫైటర్స్ తో చెమటోడుస్తూ కష్టపడుతున్నాడు. అందుకుగాను ఈ యాక్షన్ సీక్వెన్స్ కోసం రామోజీ ఫిలిం సిటీలో ప్రత్యేకంగా ఒక పోలీస్ చెక్ పోస్ట్ సెట్ వేశారట. అక్కడే ఈ ఫైట్ సీక్వెన్స్ చిత్రీకరణ జరుగుతుంది. ఇది పక్కన పెడితే ఇందులో హీరోయిన్స్ ఎవరు అనేది మాత్రం క్లారిటీ ఇవ్వలేదు రాజమౌళి. వారి పేర్లు ఎక్కడా బయటికి రాకుండా జాగ్రత్త పడుతున్నారు అని టాక్. మరి హీరోయిన్స్ పై జక్కన్న ఎప్పుడు అప్ డేట్ ఇస్తాడో చూడాలి.