ఓటీటీలోకి అనుభవించు రాజా.. ఎప్పుడంటే..?

భీమ‌వ‌రంలో ఉం డే బంగార్రాజు అలియాస్ బంగారం అనే యువ‌కుడి చుట్టూ తిరిగే క‌థే అనుభ‌వించు రాజా. బంగార్రాజు ఓ ప్రమాదంలో త‌న కుటుంబాన్ని కోల్పోతాడు. తాత‌య్య ద‌గ్గర పెరుగుతాడు. ఆయ‌న చ‌నిపోతూ జీవితాన్ని స‌ర‌దాగా గ‌డ‌పాల‌ని చెబుతాడు. తాతయ్య చెప్పిన మాటతో.. ఉన్న డబ్బంతా జల్సాలకు తగలేస్తుంటాడు బంగారం. కానీ.. అనుకోనీ పరిస్థితుల్లో బంగార్రాజు జైలుకెళ్లాల్సిన పరిస్థితి వస్తుంది. ఆ సమయంలో పట్నానికి వెళ్లి ఓ సాఫ్ట్ వేర్ కంపెనీలో సెక్యూరిటీ గార్డుగా జాయిన్ అవుతాడు. అక్కడే హీరోయిన్ తో ప్రేమలో పడిన బంగార్రాజు.. ప్రియురాలికి తన గతం గురించి తెలియకుండా జాగ్రత్త పడుతుంటాడు. ఆ తర్వాత ఏం జరిగింది ? బంగార్రాజు తిరిగి ఊరికి వెళ్లాడా ? ఎలాంటి పరిస్థితులను ఎదుర్కొన్నాడు ? అనేదే కథ.