రకుల్ ఆశ నెరవేరలేదుగా..!

గత ఏడాది తెలుగు, తమిళంలో ఫెయిల్ అయ్యి అవకాశాలు అంతంత మాత్రంగా ఉన్న రకుల్ ప్రీత్ సింగ్ బాలీవుడ్ మీద భారీ ఆశలే పెట్టుకుంది. బాలీవుడ్ లో అజయ్ దేవగన్ – టబుతో కలిసి దే దే ప్యార్‌ దే సినిమాలో నటించింది. ఇక ఆ సినిమాలో నటిస్తున్నప్పుడే రకుల్ మళ్లీ తెలుగు సినిమాలతో బిజీ అయ్యింది. ఇక దే దే ప్యార్‌ దే సినిమా కోసం ఇప్పటివరకు తెలుగు, తమిళంలో కూడా చూపించని హాట్ హాట్ యాంగిల్స్ ని చూపించింది. గ్లామర్, అందాల ఆరబోతలో రకుల్ ఏ రేంజ్ లో రెచ్చిపోయిందో ఆమె సోషల్ మీడియాలో పోస్ట్ చేసిన ఫొటోస్ చూస్తే తెలుస్తుంది. ఇక గత రెండు నెలలుగా ఈ సినిమా ప్రమోషన్స్ లో రకుల్ రోజూ పాల్గొంటూ తెగ హడావిడి చేసింది. నిన్న వరల్డ్ వైడ్ గా ప్రేక్షకుల ముందుకు వచ్చిన ఈ సినిమా అకీవ్‌ అలీ డైరెక్షన్ లో తెరకెక్కింది.

గ్లామర్ డోస్ పెంచినా…

సినిమా కథ లోకి వెళితే అజయ్ దేవగన్ తన భార్య టబుతో విడిపోయి 18 ఏళ్లగా విడిగా ఉంటాడు. ఇక 25 ఏళ్ల కూతురు, 20 ఏళ్ల కొడుకు ఉన్న అజయ్ దేవగన్ తన కూతురు వయసున్న రకుల్ మీద మనసు పారేసుకుంటాడు. ఇక రకుల్ ని తన ఫ్యామిలీకి పరిచయం చేయగా అజయ్ కూతురు, కొడుకు రకుల్ ని ఒప్పుకోరు. కానీ అజయ్ రకుల్ ని పెళ్లి చేసుకోవాలంటే కొడుకు, కూతురుని ఒప్పించే పెళ్లి చేసుకోవాలి. మరి చివరికి వాళ్లని ఒప్పించాడా లేదా అనేది మిగతా కథ. అజయ్, తబు నటన సినిమాకే హైలెట్ అనేలా ఉంటే.. రకుల్‌ గ్లామర్‌ డోస్‌ పెంచినట్లు అనిపిస్తుంది. అయితే సినిమాలో టబు కంటే అజయ్‌, రకుల్‌ల పాత్రలకే ప్రాధాన్యత ఎక్కువగా ఉంది. కానీ రకుల్ పాత్రను దర్శకుడు బలంగా తీర్చిదిద్దలేదు. కథలాగే స్క్రీన్‌ప్లే కూడా కన్‌ఫ్యూజింగ్‌గా ఉంది.