హాలీవుడ్ అవార్డు నామినేషన్స్‌లో రామ్‌ చరణ్..

ఇక 'ఆర్ఆర్ఆర్' తన యాక్టింగ్ నేషనల్ అవార్డు వస్తుందని చాలామంది భావించారు. కానీ ఈసారి కూడా రామ్ చరణ్ నటనకి జాతీయ పురస్కారం దక్కలేదు. దీంతో మెగాపవర్ స్టార్ అభిమానులంతా బాధ పడ్డారు. అయితే తాజాగా ఒక వార్త ఫ్యాన్స్ ని ఖుషీ చేస్తుంది. ప్రముఖ హాలీవుడ్ అవార్డు నామినేషన్స్ లో రామ్ చరణ్ స్థానం దక్కించుకున్నాడు. అమెరికాలో నిర్వహించే పాప్ గోల్డెన్ అవార్డ్స్ (Pop Golden Awards).. ఇండియాలోని బాలీవుడ్ ఇండస్ట్రీ వాళ్ళకి కూడా ఇస్తుంటారు.

ఈక్రమంలోనే గోల్డెన్ బాలీవుడ్ మూవీ, గోల్డెన్ బాలీవుడ్ యాక్టర్.. ఇలా రెండు క్యాటగిరీల్లో అవార్డులు ప్రకటిస్తారు. రామ్ చరణ్, అదా శర్మ, విషెస్ బన్సల్, అర్జున్ మాథుర్, షారుఖ్ ఖాన్, దీపికా పదుకొనే, రిద్ధి డోగ్రా, రాశి ఖన్నా.. బెస్ట్ యాక్టర్ నామినేషన్స్ లో ఎంపిక అయ్యారు. ఇక మూవీ క్యాటగిరీలో ఫర్జి, కాలేజీ రొమాన్స్, రాకెట్ బాయ్స్, RRR, గాన్ గేమ్, అసుర్, పఠాన్, కేరళ స్టోరీ ఎంపిక అయిని.

అలాగే 'నాటు నాటు' (Naatu Naatu) సాంగ్ బెస్ట్ సౌండ్ ట్రాక్ క్యాటగిరీలో హాలీవుడ్ సాంగ్స్ తో కలిపి ఎంపికైంది. ఇక రామ్ చరణ్ ఇలా ఒక ఇంటర్నేషనల్ అవార్డ్స్ నామినేషన్స్ లో కనిపించడం అభిమానులను సంతోష పరుస్తుంది. ప్రస్తుతం ఈ నామినేషన్స్ లిస్ట్ ని నెట్టింట వైరల్ చేస్తున్నారు. మరి ఈ రేసులో రామ్ చరణ్ అవార్డు గెలుచుకుంటాడా..? లేదా..? అనేది వేచి చూడాలి. నవంబర్ లో ఈ అవార్డుల ప్రధానోత్సవం జరగనుంది.