చరణ్ కి వారికీ… సై రా డీల్ సెట్ అయినట్లే

రామ్ చరణ్ నిర్మాతగా… సురేందర్ రెడ్డి దర్శకత్వంలో చిరు హీరోగా ఉయ్యాలవాడ చరిత్ర ఆధారంగా తెరకెక్కుతున్న సై రా నరసింహారెడ్డి షూటింగ్ చివరి దశలో ఉంది. అక్టోబర్ 2 సై రా నరసింహారెడ్డి సినిమా విడుదల అంటూ ప్రచారం జరగుతుంది. ఇక దేశంలోని పలు భాషల్లో తెరకెక్కుతున్న సై రా సినిమా మీద భారీగా అంచనాలే ఉన్నాయి. అందుకు అనుగుణంగానే సై రా బిజినెస్ ని రామ్ చరణ్ చాలా చాకచక్యంగా జరుపుతున్నాడు. ఇప్పటికే సై రా ఇతర భాషల హక్కులకు ఫుల్ డిమాండ్ ఏర్పడింది.

బాహుబలి తర్వాత మళ్ళీ అంత రేంజ్ ఉన్నది సైరా కావడంతో.. సై రా హిందీ హక్కులకు భారీ డిమాండ్ ఏర్పడింది. ఇప్పటికే సై రా హిందీ హక్కులను రామ్ చరణ్ ఎక్సెల్ ఎంటర్ టైన్ మెంట్ సంస్థకు డీల్ సెట్ చేసినట్లుగా వార్తలొస్తున్నాయి. ఎక్సెల్ ఎంటర్ టైన్ మెంట్ డిస్ట్రిబ్యూషన్ సంస్థ సైరా హక్కులను భారీ, ఫ్యాన్సీ రేటుకు తీసుకున్నట్లు తెలుస్తోంది. అయితే సై రా కి హిందీ హక్కుల కింద ఎంత వచ్చిందో అనేది క్లారిటీ రాలేదు కానీ…. భారీ మొత్తంలో వచ్చినట్లుగా చెబుతున్నారు. ఇక సై రా నరసింహారెడ్డికి హిందీ లో అంతగా క్రేజ్ రావడానికి సై రా లో బాలీవుడ్ మెగా స్టార్ అమితాబచ్చన్ కూడా నటించడంతో… సై రా కి బాలీవుడ్ నుండి అంత క్రేజ్ ఉన్నట్లుగా ఫిలింనగర్ టాక్