ప్రభాస్ కోసం చరణ్ వస్తున్నాడా?

ప్రభాస్ ప్రస్తుతం సాహో ప్రమోషన్స్ తో బిజీగా గడుపుతున్నాడు. ప్రభాస్ – సుజిత్ లు వరల్డ్ వైడ్ గా ఈ నెల 30 న సాహో తో గట్టిగా హిట్ కొట్టాలనే కసితో ఉన్నారు. యువీ క్రియేషన్స్ కూడా సాహో మీద గంపెడాశలు పెట్టుకుంది. సాహో సినిమా మొదలు పెట్టగానే ప్రభాస్ మరో సైడ్ బిజినెస్ కూడా మొదలెట్టిన సంగతి తెలిసిందే. అదే థియేటర్స్ బిజినెస్. మహేష్ బాబు లాగే ప్రభాస్ కూడా సూళ్లూరు పేటలో యువి క్రియేషన్స్ అధినేతల భాగస్వామేటో 60 కోట్ల పెట్టుబడితో.. వీ – ఎపిక్ అనే మల్టిప్లెక్స్ ని నిర్మించారు. గత రెండేళ్లుగా నిర్మిస్తున్న ఈ వీ – ఎపిక్ మల్టిప్లెక్స్ త్వరలోనే మొదలు కాబోతుంది. అత్యంత ఆధునిక హంగులతో నిర్మితమైన ఈ వీ – ఎపిక్ మల్టిప్లెక్స్ ఈ నెల 29 న మొదలు కాబోతుంది.

రామ్ చరణ్ చేతుల మీదుగా….

అయితే భారీగా నిర్మితమైన ఈ వీ – ఎపిక్ మల్టిప్లెక్స్ ని ఓపెనింగ్ చెయ్యడానికి అల్లూరి సీతారామరాజు… అదేనండి రామ్ చరణ్ చేతుల మీదుగా మొదలు కాబోతుందనే న్యూస్ సోషల్ మీడియాలో వినబడుతుంది. మొత్తం మూడు స్క్రీన్‌లున్నాయి. స్క్రీన్ 1, స్క్రీన్ 2 లు 375 సిట్టింగ్ కెపాసిటీతో నిర్మించిన ఈ భారీ మల్టిప్లెక్స్ ని రామ్ చరణ్ రిబ్బన్ కటింగ్ తో ఓపెనింగ్ చేయబోతున్నాడట. 29 న ఓపెనింగ్ కాబోతున్న ఈ మల్టిప్లెక్స్ లో 30 నుండి సాహో చిత్రాన్ని ప్రదర్శిస్తారట. మరి ప్రభాస్ కి ఒకేసారి రెండు హ్యాపీ న్యూస్ లన్నమాట. ఒకటి బిజినెస్ పరంగా, మరొకటి కెరీర్ పరంగా. మరి సాహో కోసం ప్రభాస్ ఫాన్స్ తో పాటుగా ఇండియా వైడ్ గా ప్రేక్షకులంతా ఎంతో ఉత్కంఠతో ఎదురు చూస్తున్నారు.