పూజ టెక్నిక్ రష్మిక పట్టలేదా

డీజే తర్వాత పూజ హెగ్డే కి టాలీవుడ్ అవకాశాలు వెల్లువలా వచ్చి పడ్డాయి. అది కూడా ఓ రేంజ్ ఉన్న స్టార్ హీరోల సినిమాల్లో. మహేష్ తో మహర్షి, ఎన్టీఆర్ తో అరవింద సమేత, ప్రభాస్ తో జాన్ సినిమాలు. అరవింద సమేత సినిమా డబ్బింగ్ అప్పుడు, మహర్షి షూటింగ్ లోను పాల్గొంటున్న పూజ హెగ్డే కి బాలీవుడ్ లోను హౌస్ ఫుల్ 4 సినిమా షూటింగ్ లతో తెగ బిజీగా గడిపింది. అరవింద సమేత డబ్బింగ్ ని పూజ హెగ్డే ఓ హోటల్ రూమ్ లో కానిచ్చిందని, ఎక్కే ఫ్లైట్ ఎక్కి దిగే ఫ్లైట్ దిగుతూ సినిమా అవకాశాలు వడిసి పట్టుకుంది ఈ హాట్ బేబీ. అంతలా సెట్స్ అడ్జెస్ట్ చేస్తూ ప్రస్తుతం కూడా పూజ హెగ్డే అంతే బిజీగా అల్లు అర్జున్ సినిమా, ప్రభాస్, అఖిల్ సినిమాలతో బిజీగా వుంది.

నో టెక్నిక్స్ …

మరో హీరోయిన్ మాత్రం పూజలా చెయ్యలేనంటుంది. లక్కీగా ఛలో, గీత గోవిందం సినిమాలతో టాప్ రేంజ్ కెళ్లిన రష్మిక ఇప్పుడు మహేష్ తో సరిలేరు నీకెవ్వరూ. నితిన్ భీజంలతో పాటుగా తమిళనాట కూడా స్టార్ హీరోల సినిమాల్లో నటిస్తుంది. అలాగే తెలుగులో సుకుమార్ – అల్లు అర్జున్ సినిమాలోనూ రశ్మికనే హీరోయిన్. ఇప్పుడు రష్మిక చెంతకు మరిన్ని అవకాశాలొస్తుంటే నేను చెయ్యలేను అంటూ చెప్పేస్తుందట. నా డేట్స్ సర్దుబాటు చేసుకోలేకపోతున్నా అంటూ చేతులెత్తేస్తుందట. మరి పూజలా నిమిషం ఖాళీ లేకుండా ఉండే టెక్నీక్ ఇంకా రశ్మికకి ఒంట బట్టలేదన్నమాట.