తెలుగు పరిచయం లేని భాష కదా అని..!!

కన్నడ భామ రష్మిక తెలుగులోకి వచ్చిన అతి కొద్దికాలంలోనే టాప్ హీరోయిన్ లిస్ట్ లోకి వెళ్ళిపోయింది. ఈ ఏడాది వరస హిట్స్ తో జోరు మీదున్న రష్మిక మందన్న పుష్ప సినిమా తో పాన్ ఇండియా లెవల్ కి వెళ్తుంది. అయితే తాను కెరీర్ మొదలు పెట్టిన కొత్తల్లో అంటే కిర్రాక్ పార్టీ విడుదలై సూపర్ హిట్ అయినప్పుడు తెలుగు నుండి మంచి ఆఫర్స్ తలుపు తట్టాయని… అయితే అప్పటికే రష్మిక సినిమాలు మానేద్దమని డిసైడ్ అయ్యిందట. తెలుగులో నటించడం అనేది అసలు సాధ్యం కాదనుకున్నాను. ఎందుకంటే తెలుగు భాష నాకు పరిచయం లేని భాష. దానితో తెలుగు వైపు రావాలన్న కోరిక, ఇంట్రెస్ట్ కూడా లేదని చెబుతుంది.

ఇక కిర్రాక్ పార్టీ విజయం తర్వాత ఉత్సాహంతో ముందు కన్నడ సినిమాలు ఒప్పుకున్నాను. కాబట్టే రెండేళ్ల పాటు తెలుగు వైపు చూడలేదు. అయితే కొన్ని రోజుల తర్వాత కిర్రాక్ పార్టీ సినిమా చూసిన వెంకీ కుడుములు ఛలో సినిమా అవకాశం ఇవ్వగా.. ఛలో సినిమాలో నా పాత్ర నచ్చి నేను ఆ సినిమా ఒప్పుకుని.. అలా తెలుగు సినిమాల్లోకి ఎంటర్ అయ్యా అని చెబుతుంది. తర్వాత వరస విజయాలతో తెలుగులో జెండా పాతేసాను అంటుంది. అలా తెలుగులోకి వచ్చిన నేను ఇప్పుడు ఆ జర్నీ చూస్తే ఓ కలల అనిపిస్తుంది అంటూ చెప్పుకొస్తుంది.