‘కనకదుర్గ’నే నమ్ముకున్న రవితేజ..!

గత ఏడాది వచ్చిన డిజాస్టర్స్ తో కృంగిపోకుండా వరుస సినిమాల్తో బిజీ అవుతున్న రవితేజ ఒక్క క్షణం ఫేమ్ విఐ ఆనంద్ తో డిస్కో రాజా, సంతోష్ శ్రీనివాస్ తో మరో సినిమా లైన్ లో పెట్టాడు. డిస్కో రాజా ఆఫీషియల్ గా మొదలైన కథలోని రిపేర్లకు కాస్త సమయం పట్టేలా ఉండడంతో.. ఈలోపు సంతోష్ శ్రీనివాస్ తో రవితేజ తేరి రీమేక్ ని మొదలు పెట్టబోతున్నాడు. తమిళనాట సూపర్ డూపర్ హిట్ అయిన విజయ్ తేరిని రవితేజ తెలుగులోకి రీమేక్ చెయ్యబోతున్న విషయం తెలిసిందే. డిస్కో రాజా గనుక ఫాస్ట్ గా షూటింగ్ మొదలైతే సంతోష్ తో సినిమా మీద రవితేజ కాస్త ఆలోచించేవాడే కానీ డిస్కో రాజా లేట్ అవడంతో సంతోష్ తో సినిమా మొదలు పెట్టడానికి రెడీ అయ్యాడు.

సెంటిమెంట్ ఉండటంతో…

ఇక తేరి రీమేక్ గా తెరకెక్కుతున్న ఈ సినిమాకి కనకదుర్గ అనే టైటిల్ ని సంతోష్ శ్రీనివాస్, రవితేజ పరిశీలిస్తున్నట్టుగా.. కాదు దాదాపు ఖాయం చేశారనే టాక్ వినబడుతుంది. అయితే ఈ సినిమాకి కనకదుర్గ అనే టైటిల్ పెట్టడానికి గల కారణం.. గతంలో రవితేజ వినాయక్ డైరెక్షన్ లో కృష్ణ అనే సినిమా చేసాడు. ఆ సినిమా బెజవాడ కనకదుర్గమ్మ నేపథ్యంలోనే ఉంటుంది. ఆ సినిమా హిట్ అవడంతోనే.. రవితేజ ఈసారి తన కొత్త ప్రాజెక్ట్ కి కనకదుర్గ టైటిల్ నే ఫిక్స్ చేసినట్లుగా తెలుస్తుంది. మరి వరుస ఫ్లాప్స్ లో ఉన్న రవితేజకి సంతోష్ శ్రీనివాస్ ఈ సినిమాతో ఎలాంటి హిట్ ఇస్తాడో చూద్దాం. ఇక ఈ సినిమాలో రవితేజ సరసన ఒక హీరోయిన్ కేథరిన్ ఫైనల్ అయ్యిందని, మరో హీరోయిన్ కోసం చూస్తున్నారని చెబుతున్నారు.