రోహిత్ కి సెట్ కాదు

తెలుగులో బ్లాక్ బస్టర్ హిట్ అయిన టెంపర్ సినిమాని బాలీవుడ్ లో గత ఏడాది సింబా గా రీమేక్ చేసి దర్శకుడు రోహిత్ శెట్టి బ్లాక్ బస్టర్ కొట్టాడు. అయితే మళ్ళీ తెలుగులో ఏ సినిమా సూపర్ హిట్ అవుతుందా ఆ సినిమాని బాలీవుడ్ లో రీమేక్ చేద్దామా అని రోహిత్ శెట్టి కాచుకుని కూర్చున్నాడు. అయితే రోహిత్ శెట్టి టాలీవుడ్ లో సూపర్ హిట్ అయిన గీత గోవిందం సినిమా రైట్స్ కొనేసుకున్నాడు. చాలా కామెడీగా సాలిడ్ గా సాగిన గీత గోవిందం సినిమాకి సరిపోయే హీరో హీరోయిన్స్ కోసం రోహిత్ శెట్టి వెతుకుతున్నాడట.

సాలిడ్ లవ్ స్టోరీ……

తన సినిమాల్లో కామెడీ యాక్షన్ కి ఎక్కువ ఇంపోర్టెన్స్ ఇచ్చే దర్శకుడు రోహిత్ శెట్టి. గీత గోవిందం సినిమా లో ఎలాంటి యాక్షన్ కి చోటుండదు. కాబట్టి ఈ సినిమాని రోహిత్ ఏ హీరోతో ఎలా హ్యాండిల్ చేస్తడో అనేది చూడాలి. బాలీవుడ్ లో కొంతమంది మాత్రం ఈ గీత గోవిందం రోహిత్ శెట్టి కోట్లిచ్చి కొనుక్కుని మరో నిర్మాణ సంస్థతో సినిమాని నిర్మించినా డైరెక్షన్స్ చెయ్యకుండా వేరొకరికి అప్పజెబితే ఆ సినిమా రీమేక్ చెడకుండా ఉంటుందంటున్నారు. రోహిత్ ఎక్కువగా యాక్షన్ కి కామెడీ సినిమాలకు మాత్రమే సరిపోతాడు. గీత గోవిందం లాంటి సాలిడ్ లవ్ స్టోరీ ని అంతే అందమైన కథగా తియ్యలేడని ఫిక్స్ అవుతున్నారు. మరి రోహిత్ ఈ సినిమా మీద ఎలాంటి డెసిషన్ తీసుకుంటాడో అనే క్యూరియాసిటిలో ఉన్నారు బాలీవుడ్ సినీప్రియులు.