RRR లీకులతో యూనిట్ బెంబేలు

ఈ మధ్యన RRR ఏంటి ఏ భారీ బడ్జెట్ సినిమాకి ఈ లీకుల గోల తప్పడం లేదు. షూటింగ్ స్పాట్ నుండి హీరోల పాత్రల తాలూకు లుక్స్ లీకవడం, వీడియో క్లిప్స్ బయటికి రావడం అనేది సర్వసాధారణంగా అయ్యింది. చేతిలో ఫోన్ ఉన్న ప్రతివాడు కెమెరాతో షూట్ చెయ్యడం సోషల్ మీడియాలో పోస్ట్ చేసి వైరల్ చెయ్యడం, అక్కడ సినిమా యూనిట్ ఎన్ని కష్టాలు పడి సినిమా చిత్రీకరణ చేసి ప్రేక్షకుల ముందుకు వస్తున్నారు.. ఆ సినిమాలో ఎలాంటి సర్ప్రైజ్ లు ఇస్తున్నారో అనేది ఆలోచన కూడా చెయ్యకుండా ఇలాంటి లీకులను సోషల్ మీడియాలో వదులుతున్నారు. ఆచార్య, పుష్ప, ప్రభాస్ సలార్ ఇలా ప్రతి బిగ్ మూవీ నుండి ఏదో ఒక లీకు యూనిట్స్ ని సమస్యల్లోకి నెట్టేస్తుంది. సెల్ ఫోన్స్ ని సెట్ లోకి రాకుండా బ్యాన్ చేసినా ఏదో ఒక రకంగా ఈ లీకులు వస్తున్నాయంటే ఏం చెయ్యాలి, ఎలా అడ్డుకట్ట వెయ్యాలో అర్ధం కావడం లేదు.

మరి టెక్నీకల్ గా ఎంతో మూడు జాగ్రత్తగా ఉండే రాజమౌళి కూడా ఈ లీకుల రాయుళ్ళకి పదే పదే దొరికిపోవడం RRR యూనిట్ ని కలవర పెడుతుంది. గతంలో ఆయన తెరకెక్కిస్తున్న RRR నుండి ఎన్టీఆర్ కొమరం భీం పాత్ర తాలూకు ఫొటోస్ నెట్టింట్లో ప్రత్యక్షమయ్యాయి. రీసెంట్ గా ఎన్టీఆర్ – రామ్ చరణ్ అలాగే ఎన్టీఆర్ సరసన నటిస్తున్న ఒలీవియా ఫొటోస్ కూడా సాంఘీక మాధ్యమాల్లో ప్రత్యక్షం అవడంతో RRR యూనిట్ షాకైంది. RRR లోని కొన్ని షాట్స్ నే లీక్ చేసేసారు. టెక్నీకల్ గా హై స్టాండ్డ్స్ ని మైంటైన్ చేసే రాజమౌళినే ఈ లీకులు ఆపలేక చేతులెత్తేశాడనిపిస్తుంది. మరి ప్రస్తుతం RRR నుండి లీకైన ఫొటోస్ చూసి ఫాన్స్ పండగ చేసుకుంటున్నారు. ఎన్టీఆర్ అండ్ రామ్ చరణ్ ఫాన్స్ అంతా తమ హీరోల విశ్వరూపం RRR లో చూడబోతున్నాం అంటూ సంబరాలు స్టార్ట్ చేసేసారు.