సందీప్ వంగ నెక్స్ట్ మూవీ అప్ డేట్

టాలీవుడ్ లో సెన్సషనల్ హిట్ అందించిన సందీప్ వంగ ప్రస్తుతం ఏ సినిమా చేస్తున్నాడో తెలియక చాలా మంది రకరకాలుగా అనుకుంటున్నారు. అర్జున్ రెడ్డి సినిమా తరువాత సందీప్ తెలుగులోనే సినిమా చేస్తాడు అనుకుంటే హిందీ కి వెళ్లి అక్కడ అర్జున్ రెడ్డి ని రీమేక్ చేసి సక్సెస్ అయ్యాడు. దాంతో మనోడికి అక్కడ మంచి పేరు వచ్చింది. అతనితో సినిమాలు చేయడానికి చాలామంది నిర్మాతలు ముందుకు వచ్చారు.

బాలీవుడ్ లోనే…..

అక్కడ సందీప్ కు అవకాశాలు వస్తుండడంతో అక్కడే సెటిల్ అయిపోవాలని చూస్తున్నాడు . తన తరువాతి సినిమా కూడా అక్కడే చేయాలనీ డిసైడ్ అయ్యాడు. అంతే కాదు సందీప్ నిర్మాణంలోనూ ఓ సినిమా హిందీలో రాబోతోంది. సందీప్ ద‌ర్శక‌త్వం వ‌హించే సినిమా కంటే ముందు ఇది ప‌ట్టాలెక్కబోతున్నట్లు స‌మాచారం. త్వరలోనే దీనిపై అధికార ప్రకటన రానుంది. సందీప్ నిర్మించే ఈ సినిమా ని తన అసిస్టెంట్ ఒక‌రు ఈ చిత్రంతో బాలీవుడ్ లోకి ఎంట్రీ ఇస్తాడ‌ట‌. అయితే సందీప్ డ‌బ్బులేమీ పెట్టకుండా ఈ ప్రాజెక్టు క్రియేటివ్ సైడ్ ప‌ర్యవేక్షిస్తాడ‌ట‌. అంటే మనోడు రెండేళ్లు పాటు అక్కడే ఉండనున్నాడు. అందుకే ముంబై కి తన మకాం మార్చినట్టు తెలుస్తుంది.