నటుడు, నిర్మాత విజయ్ పై రేప్ కేసు నమోదు

మలయాళ చిత్ర పరిశ్రమలో విజయ్ బాబుకు నటుడిగానే కాకుండా నిర్మాతగా కూడా మంచి గుర్తింపు ఉంది. విజయ్ బాబుపై ఓ మహిళ లైంగిక ఆరోపణలు చేస్తోంది. అతనిపై కేరళలోని కోజికోడ్ పోలీస్ స్టేషన్లో ఫిర్యాదు చేసింది. సినిమాల్లో అవకాశాలు ఇప్పిస్తానని నమ్మించి.. తనపై విజయ్ బాబు పలుమార్లు అత్యాచారం చేశాడని ఫిర్యాదులో పేర్కొంది. ఏప్రిల్ 22వ తేదీన విజయ్ బాబుపై ఓ మహిళ ఫిర్యాదు చేసినా.. ఇంతవరకూ పోలీసులు అతడిని అదుపులోకి తీసుకోలేదన్న ఆరోపణలు వస్తున్నాయి. విజయ్ బాబుపై ఫిర్యాదు చేసి 5 రోజులు గడిచినా.. అతడిపై ఎలాంటి చర్యలు తీసుకోలేదని ఆవేదన వ్యక్తం చేస్తోంది. కాగా.. విజయ్ బాబు ఆచూకీ పోలీసులకు తెలియలేదని సమాచారం.