నానిని ఆకాశానికి ఎత్తేస్తోంది..!

హైదరాబాద్ లో కొన్ని సంవత్సరాల పాటు పెరిగిన జెర్సీ హీరోయిన్ ‘శ్రద్ధ శ్రీనాథ్’ ఇప్పటికే కొన్ని కన్నడ, తమిళ సినిమాల్లో నటించి మంచి గుర్తింపు తెచ్చుకుని తెలుగులో నాని సరసన నటించేందుకు ఛాన్స్ కొట్టేసింది. తెలుగులో ఈమెకు ఇదే మొదటి సినిమా. ‘మళ్లీ రావా’ ఫేం గౌతమ్ తిన్ననూరి దర్శకత్వంలో నాని – శ్రద్ద జంటగా నటిస్తున్న ఈ సినిమా క్రికెట్ నేపథ్యంలో సాగే కథ. నానితో కలిసి నటించడం ఆనందంగా ఉందని… నాని సహజ నటుడని, ఎలాంటి సన్నివేశాన్ని అయినా ఆయన చక్కని హావభావాలతో నటిస్తారని, ఆయన పక్కన నటించడం గొప్ప గౌరవంగా భావిస్తున్నానని శ్రద్ధ శ్రీనాథ్ చెప్పుకొచ్చింది. అనిరుధ్ సంగీతం అందిస్తున్న ఈ సినిమాను సితార ఎంటర్ టైన్ మెంట్స్ పతాకంపై సూర్యదేవర నాగవంశీ నిర్మిస్తున్నారు. ఏప్రిల్ 19న ఈ సినిమా వరల్డ్ వైడ్ గా రిలీజ్ అవ్వబోతుంది. ట్రైలర్ కు మంచి రెస్పాన్స్ వచ్చిన సంగతి తెలిసిందే.