సమంత ప్లేస్ శ్రద్ధ కొట్టేసిందా..?

పెళ్లి తర్వాత కూడా ఎడాపెడా సినిమాలు చేస్తూ కెరీర్ లో హిట్ హీరోయిన్ గా దూసుకుపోతుంది అక్కినేని సమంత. తెలుగు, తమిళం అన్నది చూడకుండా సమంత సినిమాల్లో నటిస్తుంది. గత ఏడాది సమంత నటించిన తెలుగు, తమిళ సినిమాలన్నీ సూపర్ హిట్స్. విశాల్ హీరోగా సమంత హీరోయిన్ గా నటించిన అభిమన్యుడు సినిమా విడుదలై సూపర్ హిట్ అయ్యింది. ఆ సినిమాలో విశాల్ ఆర్మీ ఆఫీసర్ గా, సమంత ఒక సైకియా్ట్రిస్ట్ గా నటించింది. అయితే ఆ హిట్ సినిమాకి విశాల్ ఇపుడు సీక్వెల్ చేయాలనుకుంటున్నాడు. మొదటి సినిమా ఇరుంబు తిరైలో నటించిన నటీనటులే దాదపుగా తీనుకుంటున్నాడట విశాల్. అయితే ఇరుంబు తిరై సీక్వెల్ లో మళ్లీ హీరోయిన్ గా సమంత నటిస్తుందా? అంటూ రెండు రోజుల క్రితం సోషల్ మీడియాలో ప్రచారం జరిగింది.

హిట్ హీరోయిన్ ను తీసుకుంటున్నారా..?

తాజాగా ఇరుంబు తిరై సీక్వెల్ లో విశాల్ కి సమంత జోడి కట్టడం లేదట. ఇరుంబు తిరై సీక్వెల్ లో విశాల్ కి జోడిగా ప్రస్తుతం తెలుగులో జెర్సీ సినిమాతో సూపర్ హిట్ అందుకున్న శ్రద్ద శ్రీనాధ్ నటిస్తుందనే టాక్ కోలీవుడ్ మీడియాలో వినబడుతుంది. కన్నడ బ్యూటీ శ్రద్ద శ్రీనాధ్ తెలుగులోకి ఎంట్రీ ఇవ్వకముందే తమిళనాట కూడా పాపులర్ హీరోయిన్ అయ్యింది. ఇక తెలుగు జెర్సీ సూపర్ హిట్ అవడం, తమిళంలో ఆమె చేసిన కె 13 కూడా సూపర్ హిట్ అవడంతో విశాల్ సరసన శ్రద్ధ శ్రీనాధ్ నటిస్తే అటు తెలుగు ఇటు తమిళనాట కూడా క్రేజ్ ఉండని శ్రద్దని తీసుకున్నారట. మరి జెర్సీ సినిమా హిట్ తర్వాత శ్రద్ద శ్రీనాధ్ పేరు యంగ్ హీరోస్ సరసన బాగానే మార్మోగిపోతోంది.