రాడిసన్ ఘటనపై స్పందించిన రాహుల్.. ఏ పరీక్షకైనా సిద్ధం !

కాగా.. పోలీసులు అదుపులోకి తీసుకున్నవారిలో కొంతమందికి నోటీసులు ఇచ్చి రాత్రే పంపించగా.. మరికొంతమందిని విచారణ చేసి ఉదయం పంపించారు. వారిలో రాహుల్ సిప్లిగంజ్, నిహారిక కూడా ఉన్న సంగతి తెలిసిందే. తాజాగా రాహుల్ సిప్లిగంజ్ తనపై వస్తోన్న ఆరోపణలపై స్పందించాడు. " నిన్న పార్టీలో నేను ఎటువంటి డ్రగ్స్ తీసుకోలేదు. కావాలంటే నేను ఏ పరీక్షకైనా సిద్దమే, చెక్ చేసుకోండి. అసలు అది డ్రగ్స్ పార్టీ అని తెలియదు. తెలిస్తే వెళ్ళేవాడిని కాదు. ఫ్రెండ్ బర్త్ డే కావడంతో సన్నిహితులతో కలిసి పబ్ కి వెళ్ళాను. నేను గతంలో డ్రగ్స్ అవగాహన కార్యక్రమంలో కూడా పాల్గొన్నాను. నేను ఏ తప్పు చేయకపోయినా తప్పుడు ప్రచారం చేస్తున్నారు." అని తెలిపారు.