సైరా కి 20… ఎన్టీఆర్ కు 25..!

ఎన్టీఆర్ జీవిత కథ ఆధారంగా రూపొందిన భారీ చిత్రం ‘ఎన్టీఆర్’ బయోపిక్. ఎన్టీఆర్ గా బాలకృష్ణ నటిస్తున్న ఈ సినిమా రెండు భాగాలుగా తెరకెక్కిన సంగతి తెలిసిందే. మొదటి భాగం ‘కథానాయకుడు’ జనవరి 9న… రెండో భాగం ‘మహానాయకుడు‘ ఫిబ్రవరి 7న రిలీజ్ అవుతున్నాయి. ట్రైలర్ తో అంచనాలు పెంచేసిన ఈ సినిమాను క్రిష్ డైరెక్ట్ చేశాడు. తాజా సమాచారం ప్రకారం ‘కథానాయకుడు‘ డిజిటల్ రైట్స్ భారీ మొత్తానికి అమ్ముడు పోయాయని తెలుస్తుంది. ప్రముఖ డిజిటల్ ఛానల్ ‘కథానాయకుడు’ను రూ. 25 కోట్లకు కైవసం చేసుకుందట.

మొదటి భాగానికే ఇంతలా..

మెగాస్టార్ చిరంజీవి ‘సైరా’ నరసింహా రెడ్డి కన్నా ఎక్కువగా అమ్ముడు పోవడం విశేషం. ‘సైరా’ చిత్రం హక్కులు రూ.20 కోట్లకు అమ్ముడుపోయాయి. ఇంకా రెండో భాగం ‘మహానాయకుడు’ డిజిటల్ రైట్స్ అమ్ముడు పోవాల్సి ఉంది. అలానే థియేట్రికల్ రైట్స్ కూడా ఈ సినిమాకు కాసుల వర్షం పండిస్తోంది. వరల్డ్ వైడ్ గా రూ.72 కోట్లు థియేట్రికల్ రైట్స్ అమ్మడయ్యాయి. ఇప్పుడు ఈ డిజిటల్ రైట్స్ తో కలిపి 100 కోట్లకు చేరువైంది. ఈ లెక్కన చూసుకుంటే ‘ఎన్టీఆర్’ బయోపిక్ రెండు భాగాల కోసం పెట్టిన బడ్జెట్ లో అప్పుడే చాలావరకు రీకవర్ అయినట్టే..! అలా ఈ సినిమాకు అన్ని విధాలుగా కలిసొస్తుంది. భారీ అంచనాల మధ్య రిలీజ్ అవుతున్న ఈ సినిమాకు బాలకృష్ణ కూడా నిర్మాతల్లో ఒకరు. మొదటి భాగానికే ఇంతలా క్రేజ్ ఉంటే ఇంకా రెండో భాగం పరిస్థితి ఏంటో వేరే చెప్పనవసరం లేదు.