తమన్నా భాటియా తళుకులు.. కేన్స్ లో ఇండియన్ స్టార్స్

తమన్నా భాటియా.. పరిచయం అక్కర్లేని సెలెబ్రిటీ..! దక్షిణాది లోనూ.. బాలీవుడ్ లోనూ ఆమె తనకంటూ ప్రత్యేకమైన గుర్తింపును అందుకుంది. ఇటు దక్షిణాదిన సినిమాలు చేస్తూనే ఓటీటీ లోనూ తన ట్యాలెంట్ ను చూపిస్తూ ఉంది తమన్నా భాటియా. ఇక ఆమె ఫ్యాషన్ గురించి కూడా ప్రత్యేకంగా చెప్పుకోవాలి. ఎందుకంటే ఎప్పటికప్పుడు వెరైటీ దుస్తులను ఆమె ట్రై చేస్తూ ఉంటుంది. తమన్నా భాటియా తన ఫ్యాషన్ సెన్స్ తో ఎంతో మందికి ఇన్స్పిరేషన్ గా ఉంటుంది. ఎలాంటి బట్టలు వేసుకున్నా ఆత్మవిశ్వాసం ముఖ్యమని ఆమె చెబుతూ ఉంటుంది. తన డ్రెస్సింగ్ లో ప్రయోగాలు చేయడానికి ఎప్పుడూ సిద్ధంగా ఉంటుంది తమన్నా. ప్రస్తుతం కేన్స్ ఫిలిం ఫెస్టివల్ లో సందడి చేస్తోంది తమన్నా. కేన్స్ ఫిల్మ్ ఫెస్టివల్ మే 28 వరకు జరుగుతుంది. ఐశ్వర్య రాయ్ బచ్చన్, హీనా ఖాన్, తమన్నా భాటియా, నవాజుద్దీన్ సిద్ధిఖీ, A R రెహమాన్, పూజా హెగ్డే, R మాధవన్‌తో సహా ఇతర తారలు రెడ్ కార్పెట్‌పై నడుస్తున్నారు.