సైరాకి రెడ్ కార్పెట్.. మరి బాహుబలికో

సైరా సినిమాలో చిరంజీవికి అంటే సైరా నరసింహారెడ్డి కి ప్రేమికురాలిగా లక్ష్మి పాత్రలో నటించిన తమన్నా సైరా సినిమా ఈవెంట్స్ ని వదలకుండా ప్రమోట్ చేసింది. సైరా కి సంబందించిన ప్రీ రిలీజ్ ఈవెంట్, ప్రెస్ మీట్, టీజర్ రిలీజ్ ఈవెంట్, అలాగే సక్సెస్ సెలెబ్రేషన్స్ లోను తమన్నా సైరాని ప్రమోట్ చేసింది. అంతేకాకుండా సైరా స్పెషల్ ఇంటర్వూస్ లో నూ పాల్గొంది. మెయిన్ హీరోయిన్ నయనతార రాలేదు కానీ తమన్నా మాత్రం రెచ్చిపోయి సైరా ప్రమోషన్స్ లో పాల్గొంది. సినిమా విడుదలయ్యాక తమన్నా లక్ష్మి పాత్రకి లుక్స్ కి మంచి పేరు కూడా వచ్చింది. అయితే అంతలా సైరా కి రెడ్ కార్పెట్ పరిచిన తమన్నా బాహుబలి విషయంలో మాత్రం వేరేలా ఉంది.

ఆమె ఎందుకు బాధపడింది

అనుష్క మెయిన్ లీడ్ లో బాహుబలి లో తమన్నా కూడా ఓ మంచి పాత్రే చేసింది. బాహుబలి తర్వాత తమన్నా ఒక్కసారిగా ఫెడవుట్ అవడంతో ఆమెకి అవకాశాలు రాలేదు. దానితో తమన్నాకి బాహుబలి మంచి చేయకపోగా చెడు చేసిందనే ప్రచారం బాగా జరిగింది. అయితే అనుష్క, తమన్నా ఇద్దరూ అప్పట్లో బాహుబలి ప్రమోషన్స్ లో పాల్గొన్నారు. కానీ తాజాగా బాహుబలి యూనిట్ మొత్తం లండన్ లో రీ యూనియన్ అవగా.. అక్కడ ప్రభాస్, రానా, రాజమౌళి, అనుష్క, ఇంకా బాహుబలి టీంలో చాలామంది కనబడినా తమన్నా మాత్రం అక్కడికి రాలేదు. కారణం బాహుబలి విషయంలో తనకి అన్యాయం జరిగిందని ఆమె బాధపడుతుందని ఆమె సన్నిహితులు చెబుతున్న మాట.