లైగర్ పై తమ్మారెడ్డి భరద్వాజ సంచలన వ్యాఖ్యలు

విడుదలై వారంరోజులవుతున్నా.. ఇప్పటి వరకూ కనీసం కోటిరూపాయలు కూడా వసూలు కాలేదని టాక్. భారీ అంచనాలతో వచ్చిన లైగర్.. చివరికి పెద్ద డిజాస్టర్ గా మిగిలింది. రూ.90 కోట్ల బడ్జెట్ తో తెరకెక్కిన ఈ సినిమా.. డిస్ట్రిబ్యూటర్లు, ఎగ్జిబిటర్లకు చేదుఅనుభవాన్ని మిగిల్చింది. తాజాగా ఈ సినిమాపై తమ్మారెడ్డి భరద్వాజ కామెంట్లు చేశారు. ఎగిరెగిరి పడితే ఇలాంటి అనుభవాలే ఎదురవుతాయని ఆయన అన్నారు. కేవలం సినిమా అనే కాకుండా... ఏ విషయంలో కూడా ఎవరూ ఎగిరెగిరి పడకూడదని చెప్పారు.

తాము కష్టపడి సినిమా చేశామని, సినిమాను ఆదరించాలని ప్రేక్షకులను కోరుతూ ప్రమోషన్ చేసుకుంటే బాగుండేదని తమ్మారెడ్డి చెప్పారు. అలా కాకుండా చిటికెలు వేస్తూ మాట్లాడితే.. సమాధానం ఇలానే ఉంటుందన్నారు. లైగర్ ట్రైలర్ చూసినపుడు సినిమా చూడాలనిపించలేదని, మున్ముందు పూరీపై అభిమానంతో చూడాలనిపిస్తే చూస్తానని తమ్మారెడ్డి తెలిపారు.