The Kerala Story: ఎట్టకేలకు ఓటీటీలోకి వచ్చేస్తున్న వివాదాస్పద సినిమా

సినిమా డిజిటల్ హక్కులను ZEE5 కొనుగోలు చేసింది. 23 జూన్ 2023 న ఈ సినిమాను ఓటీటీలో ప్రసారం చేయాల్సి ఉంది. పలు కారణాల వల్ల స్ట్రీమింగ్ జరగలేదు. తాజాగా ఈ చిత్రం A సర్టిఫికేట్ నుండి U/A రీసెన్సార్ ను పొందిందని.. కొన్ని సీన్లను ట్రిమ్ చేశారని తెలుస్తోంది. ఓటీటీ డెబ్యూకి సంబంధించి చర్చలు చివరి దశలో ఉన్నాయని తెలుస్తోంది. ది కేరళ స్టోరీ సినిమాలో ఈ నెలలోనే ZEE5 లో ప్రసారం చేయాలని భావిస్తున్నారు. అదా శర్మ, యోగితా బిహానీ, సిద్ధి ఇద్నానీ, సోనియా బలానీ నటించిన ది కేరళ స్టోరీ ఊహించని సక్సెస్ ను అందుకుంది. 32,000 మంది కంటే ఎక్కువ మంది కేరళ మహిళలని ఇస్లామిక్ ఛాందసవాదులు తీవ్రవాదులుగా మార్చారని ఈ మూవీ మేకర్స్ తెలిపారు.