అరుదైన వ్యాధితో బాధపడుతున్న నటి పూనమ్ కౌర్.. లక్షణాలివే..

ఫైబ్రోమయాల్జియా అనే వ్యాధి అరుదైన అనారోగ్య సమస్య. అలసట, నిద్రలేమి, జ్ఞాపకశక్తి తగ్గిపోవడం, మానసిక స్థితిలో సమస్యలు, కండరాల నొప్పి సహా పలు ఇబ్బందులు ఈ వ్యాధి లక్షణాలుగా చెబుతున్నారు. పూనమ్ రెండేళ్లుగా ఈ జబ్బుతో బాధపడుతోంది. ప్రస్తుతం కేరళలో ఆమెకు వ్యాయామాలు, టాకింగ్ థెరపీ, తో పాటు ఆయుర్వేద మందులతో చికిత్స చేస్తున్నారు.

కాగా.. యమలీల దర్శకుడు ఎస్వీ కృష్ణారెడ్డి 'మాయాజాలం' సినిమాతో టాలీవుడ్ కు పరిచయమైంది పూనమ్ కౌర్. ఆ తర్వాత పలు చిత్రాల్లో నటించింది. రెండేళ్లుగా అనారోగ్యంతో బాధపడుతున్నా.. ఎప్పుడూ ఈ విషయాన్ని బయట పెట్టలేదు. కేర‌ళ‌లో ట్రీట్‌మెంట్ కంటే ముందే ప‌లు ఆసుపత్రుల్లో వైద్యులను సంప్రదించినా ఫలితం లేకపోవడంతో.. ప్రకృతి వైద్యం కోసం కేరళ వెళ్లిందని తెలుస్తోంది. ఇటీవల రాహుల్ గాంధీ భారత్ జోడో యాత్రలో పూనమ్ కౌర్ పాల్గొన్న విషయం తెలిసిందే. ఆ సమయంలో రాహుల్ ఆమె చేయి పట్టుకోవడంపై పెద్ద వివాదమే చెలరేగగా.. తాను పడిపోతుండగా ఆయన పట్టుకున్నారని, దీనిపై రచ్చ చేయడం తగదని ఫైర్ అయింది పూనమ్.