బాలీవుడ్ కి మరో షాక్.. "బ్రహ్మాస్త్ర"కు కష్టాలు తప్పవన్న ఉమైర్ సంధు

ఒక్క ముక్కలో చెప్పాలంటే.. బ్రహ్మాస్త్ర సినిమాలో ఆత్మ లోపించిందన్నారు ఆయన. సినిమా కోసం చేసిన భారీ పబ్లిసిటీ వల్ల రిలీజ్ రోజున, వీకెండ్స్ లోనూ వసూళ్లు వస్తాయి.. కానీ వీక్ డేస్ లో బ్రహ్మాస్త్ర కు ఆదరణ ఉండదన్నారు. ఫాంటసీ, అడ్వెంచర్ సినిమాలు బాలీవుడ్ లో చాలా తక్కువగా వస్తుంటాయన్న ఉమైర్.. ఇలాంటి సినిమాను తెరకెక్కించినందుకు అయాన్ ముఖర్జీని ప్రశంసించాల్సిందేనన్నాడు. ఈ చిత్రంలో స్టోరీ, స్క్రీన్ ప్లే చాలా యావరేజ్ గా ఉన్నాయని, సినిమా కొన్ని చోట్ల గజిబిజీగా అనిపిస్తుందని చెప్పాడు. ఈ చిత్రంలో రణబీర్ చాలా కన్ఫ్యూజింగ్ గా ఉన్నాడని తెలిపాడు. ఏం జరుగుతోందో కూడా తెలియని విధంగా రణబీర్ ఉన్నాడని.. అలియా భట్ మాత్రం స్టన్నింగ్ గా ఉందని ప్రశంసించాడు. సినిమాలో వీఎఫ్ఎక్స్ అద్భుతంగా ఉందని.. రెండు, మూడు సీక్వెన్సులు చాలా పర్ఫెక్ట్ గా ఉన్నాయన్నాడు. మొత్తం మీద సినిమాకు 5 పాయింట్లకు గాను ఉమైర్ 2.5 వేశాడు.