కియారా దంపతులకు సారీ చెప్పిన ఉపాసన

బాలీవుడ్ నటి కియారా అద్వానీ - సిద్ధార్థ్ మల్హోత్రా లు మంగళవారం వివాహబంధంతో ఒక్కటైన విషయం తెలిసిందే. ఈ సందర్భంగా కియారా తమ వివాహ ఫోటోలను ఇన్ స్టా గ్రామ్ లో పోస్ట్ చేసింది. ఆ పోస్టులపై రామ్ చరణ్ భార్య ఉపాసన కామినేని స్పందిస్తూ.. వీలు కుదకపోవడం వల్లే పెళ్లికి హాజరు కాలేకపోయామన్నారు. "కంగ్రాట్స్ కియారా. మీ జోడీ చూడచక్కగా ఉంది. పెళ్లికి మేము హాజరు కాలేకపోయినందుకు సారీ. మరోసారి మీ ఇద్దరికీ నా అభినందనలు." అని కామెంట్ చేశారు.

కియారా అద్వానీ - రామ్ చరణ్ జంటగా వినయ విధేయ రామ లో నటించారు. ఆ సినిమా నుండీ వీరిద్దరూ మంచి స్నేహితులయ్యారు. ప్రస్తుతం శంకర్ దర్శకత్వంలో తెరకెక్కుతోన్న RC15 లో మళ్లీ జతకట్టారు. ఈ క్రమంలోనే కియారా రామ్ చరణ్ దంపతులను వివాహానికి ఆహ్వానించింది. షూటింగ్ లో బిజీగా ఉండటంతో చరణ్ దంపతులు ఈ వివాహానికి హాజరుకాలేకపోయారు. కాగా.. నూతన వధూవరులకు సోషల్ మీడియాలో శుభాకాంక్షలు వెల్లువెత్తుతున్నాయి.