బాలీవుడ్ కి మాస్ గా ఎంట్రీ ఇవ్వబోతున్న రౌడీ

పూరి జగన్నాధ్ తో కలిసి విజయ్ దేవరకొండ ఫైటర్ సినిమాతో పాన్ ఇండియా మూవీ చెయ్యబోతున్నాడనేది మాత్రం పక్కా. అయితే ఫైటర్ సినిమాని పాన్ ఇండియా మూవీగా తెరకెక్కించడానికి పూరి జగన్నాధ్ ఇప్పటికే మాస్టర్ ప్లాన్ సిద్ధం చెయ్యడం.. ఛార్మి కూడా ఆ ప్లాన్ కి అనుగుణంగా మిగతా భాషల నిర్మాతలతో టై అవ్వడం అన్నీ చకచకా జరిగిపోతున్నాయి. ఇక బాలీవుడ్ లో పూరి జగన్నాధ్ కున్న పరిచయాలు, కరణ్ జోహార్ కి విజయ్ దేవరకొండ మీదున్న క్రేజ్ తో బాలీవుడ్ లో మెయిన్ గా ఫైటర్ కి లైన్ క్లియర్ అయ్యింది. కరణ్ జోహార్ తో విజయ్ అండ్ ఛార్మి అండ్ పూరీలు చర్చలు జరపడం.. ఫైటర్ ని బాలీవుడ్ లో రిలీజ్ చెయ్యడానికి కరణ్ తో ఒప్పందం జరగడం అయ్యాయని బాలీవుడ్ మీడియా టాక్.

మరి రౌడీ బ్రాండ్ తో టాలీవుడ్ ని ఊపేస్తున్న విజయ్ దేవరకొండ బాలీవుడ్ కి ఏ లవ్ స్టోరీతోనో కాదు ఫైటర్ అంటూ మాస్ మసాలా ఫిలిం తో దిగుతున్నాడు. అందుకే జాన్వీ లేదా కియారా అద్వానీ నే హీరోయిన్ గా తీసుకుంటే.. బాలీవుడ్ లో పిచ్చ క్రేజ్ రావడం, సౌత్ కి కూడా క్రేజీ హీరోయిన్ ని పరిచయం చేసినట్లు ఉంటుందని జాన్వీ కపూర్ లేదా కియారా అద్వానీలకే పూరి జగన్నాధ్ ఫిక్స్ అయినట్లుగా టాక్. ఇక కరణ్ జోహార్ బాహుబలికి వెన్నుదన్నులా నిలిచినట్లుగా విజయ్ దేవరకొండ ఫైటర్ కి కావాలంటే ఆర్ధిక సహాయం చెయ్యడం దగ్గరనుండి ప్రమోషన్స్ వరకు దగ్గరుండి చూసుకుని.. సినిమాకి క్రేజ్ తెచ్చే బాధ్యతని నెత్తిన ఎత్తుకున్నట్లుగా కూడా చెబుతున్నారు. అందుకే విజయ్ ఎప్పటికప్పుడు కరణ్ కి టచ్ లో ఉంటున్నట్టుగా బాలీవుడ్ మీడియా టాక్.