నన్నింకా చిన్న పిల్లాడిలా ట్రీట్ చేస్తున్నారు!!

ప్రస్తుతం కరోనా లాక్ డౌన్ ఎంత హాట్ హాట్ గా మీడియాలో ప్రసారంపై వుంటుందో.. టాలీవుడ్ లోను ‘బి ఏ రియల్ మాన్’ ఛాలెంజ్ అంతే హాట్ హాట్ గా చక్కర్లు కొడుతోంది. సోషల్ మీడియాలో ‘బి ఏ రియల్ మాన్’ ఛాలెంజ్ అంటూ స్టార్ హీరోస్ అంతా వంట గదుల్లో, గార్డెన్స్ లోను, ఇంట్లోనూ పనులు చేస్తూ ఈ ఛాలెంజ్ ని పూర్తి చేస్తూ తమకి నచ్చిన వారిని నామినేట్ చేస్తూ అబ్బో ఆ హడావుడి మాములుగా లేదు. టాప్ డైరెక్టర్స్ దగ్గరనుండి, టాప్ హీరోల వరకు ఈ ‘బి ఏ రియల్ మాన్’ ఛాలెంజ్ ని పూర్తి చేసేస్తున్నారు. రామ్ చరణ్, ఎన్టీఆర్ అబ్బో ఎవరికీ వారే ఈ ఛాలెంజ్ ని సక్సెస్ ఫుల్ గా పూర్తి చేసారు.

కానీ రౌడీ స్టార్ విజయ్ దేవరకొండ మాత్రం ఈ ‘బి ఏ రియల్ మాన్’ ఛాలెంజ్ పూర్తి చేయలేనని చేతులెత్తేస్తున్నాడు. ఎందుకంటే విజయ్ దేవరకొండ మమ్మి తనని తన తమ్ముడిని ఇంకా చిన్న పిల్లల్లానే ట్రీట్ చేస్తుందట. ఎన్టీఆర్ విసిరిన ఛాలెంజ్ ని కొరటాల పూర్తి చేసి.. విజయ్ దేవరకొండని నామినేట్ చెయ్యగా.. విజయ్ దేవరకొండ ఛాలెంజ్ విషయంలో ఈ కహాని వినిపిస్తున్నాడు. నేను గనక ‘బి ఏ రియల్ మాన్’ ఛాలెంజ్ కోసం ఇంట్లో పనిచేస్తే నేను చేసిన పనికి మా మమ్మీకి మళ్ళీ డబుల్ పని అవుతుంది అంటూ తిడుతుంది. నేను ఇంట్లో ఏ పని చేసినా అది చిరిగి చేటై డబుల్ పని నేను చెయ్యాల్సి వస్తుంది అంటూ మా మమ్మి ఎప్పడూ తిడుతుంటుంది. అందుకే నేను ఇంకా రియల్ మాన్ కాలేదు.. సో నేను ఈ టాస్క్ చెయ్యలేకపోతున్నా.. కానీ నేను రోజూ కరోనా లాక్ డౌన్ సమయంలో ఏం చేస్తున్నానో.. వీడియోస్ రూపంలో సోషల్ మీడియాలో పోస్ట్ చేస్తాను అని చెప్పాడు.