“కెజిఎఫ్ 2” లో విజయ్ దేవరకొండ?

విజయ్ దేవరకొండ లేటెస్ట్ మూవీ “డియర్ కామ్రేడ్” షూటింగ్ కంప్లీట్ అయిపోయి రిలీజ్ కి రెడీ అవుతుంది. అందుకే విజయ్ తన సినిమాను ప్రమోట్ చేసే పనిలో ఉన్నాడు. విజయ్ తన సినిమాలని చాలా డిఫరెంట్ గా ప్రమోట్ చేయడం మనకి తెలిసిన విషయమే. అలానే ఈసినిమా కూడా వినూత్నంగా ప్రచారం చేస్తున్నారు. మూడు భాషల్లో రిలీజ్ అవుతున్న ఈసినిమా ను ప్రమోట్ చేసే భాగంగా ఆయా రాష్ట్రాలలోని ప్రధాన నగరాల్లో మ్యూజిక్ షోలు నిర్వహిస్తూ తన చిత్రాన్ని ప్రమోట్ చేస్తున్నాడు విజయ్.

మొదటి షో బెంగుళూరులో చేసారు. దీని ముఖ్య అతిథిగా “కెజిఎఫ్” స్టార్ యష్ హాజరై కన్నడ ట్రైలర్ ని విడుదల చేయడంతో పాటు,వేదికపై సందడి చేశారు. అలా వాళ్లు షో చేసారో లేదో వెంటనే ఓ రూమర్ బయటకు వచ్చింది. అదేమిటంటే “కెజిఎఫ్” మూవీకి కొనసాగింపుగా వస్తున్న “కెజిఎఫ్ 2” మూవీలో విజయ్ ఓ కీలక పాత్ర చేయనున్నారట. కెజిఎఫ్ ఇండియా మొత్తం భారీ విజయం సాధించిన సంగతి తెలిసిందే. దాంతో “కెజిఎఫ్ 2” పై భారీ అంచనాలు పెట్టుకున్నారు. ఇది ఫాన్ ఇండియా మూవీ గా అన్ని భాషలలో విడుదల కానుంది.

అన్ని భాషలకు సంబంధించి నటీనటులు ఇందులో నటిస్తే క్రేజ్ ఇంకా పెరిగే అవకాశం ఉందని డైరెక్టర్ ప్రశాంత్ నీల్ భావిస్తున్నారట. అందుకే తెలుగు భాష నుండి యంగ్ హీరో విజయ్ దేవరకొండ చేత ఓ కీలక పాత్ర చేయయించడం మంచిదని వారి ఆలోచనట. మరి ఇందులో ఎంతవరకు నిజముందో తెలియాల్సిఉంది. ఆల్రెడీ ఇందులో హిందీ నుండి నటుడు సంజయ్ దత్ నటిస్తున్నాడు.