విజయ్ కు ఆ… జిల్లా అమ్మాయి కావాలంట!

టాలీవుడ్ లో మోస్ట్ వాంటెడ్ హీరో గా మారిపోయాడు విజయ్ దేవరకొండ. వరస సినిమాలు హిట్ అవ్వడంతో మనోడితో సినిమాలు చేయడానికి చాలామంది లైన్ కడుతున్నారు. యూత్ పాటు అమ్మాయిల్లో మంచి క్రేజ్ ఉన్న ఈ నైజాం కుర్రోడికి ఏపీ లో కూడా అమ్మాయిల ఫాలోయింగ్ ఉంది. ప్రస్తుతం 'డియర్ కామ్రేడ్' షూటింగ్ ఏపీ లోని కాకినాడలో నిన్ననే ఫినిష్ చేసారు.

ఇక్కడ అమ్మాయినే….

కాకినాడలో రకరకాల లొకేషన్లలో సినిమాని చిత్రీకరించారు. అక్కడ కొంతమంది లోకల్ విద్యార్థులు ఈ షూటింగులో పాల్గొన్నారు. నిన్న కాకినాడ షెడ్యూల్ పూర్తయిన సందర్భంగా దేవరకొండ పెళ్లి గురించి మాట్లాడుతూ… నాకు తూర్పు గోదావరి జిల్లా అమ్మాయిని పెళ్లి చేసుకోవాలని ఉంది. ఎవరన్నా ఉంటే చెప్పండి. బ్యాక్ గ్రౌండ్ తో అస్సలు ఏ సంబంధం లేకుండా తనను ఇష్టపడే అమ్మాయి దొరికితే పెళ్లాడేస్తానని అన్నాడు.

గీత గోవిందంలోనూ….

కాకినాడకు విజయ్ కి ఓ ప్రత్యేక అనుబంధం ఉంది. ‘గీత గోవిందం’ సినిమాలో విజయ్ కాకినాడ కుర్రాడిగానే నటించాడు. ఈ ఏడాది ఒక బ్లాక్ బస్టర్ తో..ఒక సూపర్ హిట్ చిత్రాలతో చెలరేగిపోయాడు. 'గీతగోవిందం' తో 100కోట్ల క్లబ్ లో చేరాడు విజయ్. మరి ఆ లక్కీ గర్ల్ ఎవరో చూడాలి. అంతేకాదు విజయ్ కు ఏపీ నుంచి చాలా ప్రపోజల్స్ వచ్చాయి అని చెప్పాడు.