సావిత్రి బయో పిక్ 'మహానటి' నేడు బుధవారం ప్రేక్షకులముందుకు గ్రాండ్ గా వచ్చేసింది. కీర్తి సురేష్ టైటిల్ రోల్ పోషిస్తున్న సావిత్రి బయో పిక్ లో చాలామంది నటీనటులు గెస్ట్ రోల్ లోను... ఇంకా ప్రధాన పాత్రల్లోనూ నటించారు. సావిత్రి జీవిత కథ ఆధారంగా తెరకెక్కిన 'మహానటి' మూవీ ఈ రోజు ఇక్కడ విడుదలైనా... యుఎస్ లో గత రాత్రే విడుదలైంది. నాగ్ అశ్విన్ దర్శకుడిగా తెరకెక్కిన ఈ సినిమాని భారీ అంగులతో అశ్విని దత్ కూతుళ్లు నిర్మించారు. గత రాత్రే యూఎస్ లో విడుదలైన మహానటి టాక్ ఎలా వుంది అంటే...
సావిత్రి మహానటి గా ఎలా ఎదిగింది, ఆమె నట జీవితం ఎలా వుంది.. అలాగే సావిత్రి గురించి వారి అన్వేషణ లో విజయ్ దేవరకొండ, సమంతలు చేసే ప్రయత్నాలు, అలాగే అలనాటి సినిమాల్లో ఉండే వాతావరణం, ఇలా అన్నిటిలో దర్శకుడు సక్సెస్ అయ్యాడనే చెప్పాలి. అలాగే సావిత్రి చిన్ననాటి జీవితాన్ని, నట జీవితాన్ని కూడా దర్శకుడు చక్కగా తీర్చిదిద్దాడని... సావిత్రి నటించిన 11 చిత్రాల సినిమా షూటింగ్ ని కళ్ళకు కట్టినట్టుగా చూపించాడని... అలాగే ఆ సినిమా షూటింగ్స్ కి సంబందించిన నటులను ప్రేక్షకుడికి పరిచయం చేసే తీరు కూడా అందరికి నచ్చేలా ఉందట.
కానీ మధ్య మధ్యలో కొన్ని సన్నివేశాలు కథ మూడ్ ని డైవర్ట్ చేసే విధంగా ఉంటుందట. ఫస్ట్ హాఫ్ మొత్తం సావిత్రి సినిమా షూటింగ్స్ కి సంబందించిన సీన్స్ హైలెట్ గా నిలిస్తే... సెకండ్ హాఫ్ క్లైమాక్స్ లో మాత్రం సినిమా కంటతడి పెట్టిస్తుండట. ఇక సావిత్రి పాత్రలో కీర్తి సురేష్ ఒదిగిపోయి నటించడమే కాదు... ఆమె ఆ పాత్రకి మరింత ప్లస్ అయ్యిందని అంటున్నారు. అలాగే సినిమాలో కీలక పాత్రలు చేసిన సమతా, విజయ్ దేవరకొండలు సావిత్రి గురించి వారి అన్వేషణ సినిమాకి మెయిన్ ప్లస్ పాయింట్ అనే రీతిలో ఉందట. ఇక సినిమాకి బ్యాగ్రౌండ్ మ్యూజిక్ ఆదరిందని.. సినిమాటోగ్రఫీ కూడా మెయిన్ హైలెట్ గా చెబుతున్నారు.