పవన్ కళ్యాణ్ - త్రివిక్రంల కాంబోలో వస్తున్న మూడో చిత్రం అజ్ఞాతవాసి మరికొన్ని గంటల్లో ప్రేక్షకుల ముందుకు రాబోతున్న తరుణంలో అజ్ఞాతవాసి ఎలా ఉందొ అంటూ అందరూ ఎంతో ఆసక్తిగా ఎదురు చూస్తున్నారు. అజ్ఞాతవాసికి ఎలాంటి టాక్ వస్తుందో అని వెయ్యిన్నొక్క కళ్ళతో ఎదురు చూస్తున్నారు పవన్ ఫ్యాన్స్. అంత భారీ అంచనాలున్న అజ్ఞాతవాసికి ఫస్ట్ రివ్యూ వచ్చేసింది. ప్రతి సినిమాకి విడుదలకుముందు రివ్యూ ఇచ్చి అభిమానులను ఆనందంలో ముంచెత్తే ఉమైర్ సంధు తన అజ్ఞాతవాసి రివ్యూ ఇచ్చేసి పవన్ ఫ్యాన్స్ కి పండగ తెచ్చేసాడు. అజ్ఞాతవాసిలో పవన్ కళ్యాణ్ వన్ మ్యాన్ షో చేసాడని... సినిమాలో పవన్ కళ్యాణ్ స్టయిల్ కి కుర్రాళ్ళు ఊగిపోతారని ట్వీట్ చేసాడు ఉమైర్. పవన్ కళ్యాణ్ ఈ సినిమాలో నట విశ్వరూపం చూపించాడని ఫాన్స్ కి ఫుల్ బూస్ట్ ఇచ్చేసాడు.
అజ్ఞాతవాసి సినిమా మొత్తం కుటుంబ కథా చిత్రగా ఉందని... ఈ సినిమాలో పవన్ కళ్యాణ్ వన్ మ్యాన్ ఆర్మీలా విరుచుకుపడ్డాడని... హీరోయిన్స్ కీర్తి సురేష్, అను ఇమ్మాన్యువల్ గ్లామర్ గా పవర్ ఫుల్ పెరఫార్మెన్స్ తో ఆకట్టుకున్నారని... త్రివిక్రమ్ స్టయిల్ తో డైలాగ్స్ అన్ని సూపర్ అనిపించేలా ఉన్నాయని.... కథ, స్క్రీన్ ప్లే కూడా అదరగొట్టాయని ట్వీట్ చెయ్యడమే కాదు, త్రివిక్రమ్ డైరెక్షన్, సినిమాటోగ్రఫీ అన్ని ఈ సినిమాని హైలెవెల్లో నించోబెట్టాయని ట్వీట్ చేసాడు. అజ్ఞాతవాసి కి అన్ని కలిసొచ్చాయని.. మంచి టైమింగ్ లో సినిమాని అంటే వీకెండ్ తో పాటు పండగ కలిసొచ్చేలా ఈ సినిమాని విడుదల చేశారని ఆకాశానికెత్తేస్తున్నాడు ఉమైర్.
అజ్ఞాతవాసి బాక్సాఫీసు వద్ద కలెక్షన్స్ సునామి సృష్టించడం ఖాయమని చెబుతున్న ఉమైర్ సంధు అజ్ఞాతవాసికి ఏకంగా 4/5 రేటింగ్ ఇచ్చేసి మరిన్ని అంచనాలు పెంచేసాడు. ఇప్పటికే ఆకాశం బద్దలయ్యే అంచనాలున్న అజ్ఞాతవాసి సినిమాపై ఈ రివ్యూ తో మరిన్ని అంచనాలు పెరిగిపోయాయి. చూద్దాం ఉమైర్ ఇచ్చిన రివ్యూ కరెక్టా కదా అనేది మరికొన్ని గంటల్లోనే బయటపడిపోతుంది