నేడు నేషనల్ పార్క్ లోకి చీతాలు
నమీబియా నుంచి వచ్చిన ఎనిమిది చీతాలతో బయలుదేరిన కార్గో విమానం కొద్దిసేపటి క్రితం మధ్యప్రదేశ్ లోని గ్వాలియర్ కు చేరుకుంది
నమీబియా నుంచి వచ్చిన ఎనిమిది చీతాలతో బయలుదేరిన ప్రత్యేక కార్గో విమానం కొద్దిసేపటి క్రితం మధ్యప్రదేశ్ లోని గ్వాలియర్ కు చేరుకుంది. అక్కడి నుంచి కునో నేషనల్ పార్క్ వద్దకు చేర్చనున్నారు. ఈరోజు ప్రధాని నరేంద్ర మోదీ ఈ చీతాలను నేషనల్ పార్కులోకి విడిచిపెట్టనున్నారు. ఇందుకోసం అటవీశాఖ, మధ్యప్రదేశ్ ప్రభుత్వం భారీ ఏర్పాట్లను చేసింది. దాదాపు ఏడు దశాబ్దాల తర్వాత ఈ చీతాలు మన దేశంలో అడుగుపెట్టనున్నాయి.
ప్రధాని మోదీ పుట్టిన రోజు నాడు...
ఈరోజు ప్రధాని మోదీ పుట్టిన రోజు కూడా కావడంతో ప్రత్యేకంగా ఈ కార్యక్రమాన్ని ఏర్పాటు చేశారు. ఈసారి ఈ కార్యక్రమంలో పాల్గొని తన జన్మదిన వేడుకలను ప్రధాని జరుపుకుంటారు. ఇక్కడే రోజంతా గడపాలని ప్రధాని మోదీ నిర్ణయించుకున్నారు. ఇందులో భాగంగా ఆడ చీతాలు ఐదు, మగ చీతాలను మూడింటిని భారత్ కు తీసుకు వచ్చారు. ఈ కార్యక్రమాన్ని వీక్షించేందుకు వేలాది మంది నేషనల్ పార్కు వద్ద ఎదురు చూస్తున్నారు.