భగ భగ మండిన బంగారం

బంగారం ధర ఎప్పుడు పెరుగుతుందో చెప్పలేం. అందుకే తగ్గినప్పుడే కొనుగోలు చేయాలని సూచిస్తారు నిపుణులు. అంతర్జాతీయ మార్కెట్ లో ఒడిదుడుకులు, ద్రవ్యోల్బణం, కేంద్ర బ్యాంకుల వద్ద నిల్వలు వంటి కారణంగా బంగారం ధరల్లో మార్పులు, చేర్పులు ఉంటాయి. అయితే తగ్గినప్పుడు స్వల్పంగా, పెరిగినప్పుడు భారీగా ధరలు పెరగడం ఒక్క బంగారం విషయంలోనే సాధ్యమవుతుంది. పసిడి అంటే పడి చచ్చి పోయే భారతీయులు ఎంత ధర పెరిగినా కొనుగోళ్లు మాత్రం ఆపడం లేదు. దాని డిమాండ్ తగ్గడం లేదు అందుకే బంగారం ధరలకు రెక్కలు వస్తున్నాయి. ఈరోజు నుంచి శ్రావణ మాసం ఉండటం, పెళ్లిళ్ల సీజన్ ప్రారంభం కావడంతో బంగారం ధరలు మరింత పెరిగాయన్న అంచనాలు వినిపిస్తున్నాయి.