సినిమాల ప్రభావం.. కారు టైర్ లో భారీగా డబ్బులు
సినిమాల్లో కారు టైర్లలో డబ్బులు దాచినట్లుగా
సినిమాల్లో కారు టైర్లలో డబ్బులు దాచినట్లుగా ఝార్ఖండ్ లో కూడా కారు టైర్ లో డబ్బులు దాచారు. అయితే అధికారులకు అనుమానం వచ్చి తెరచి చూడడంతో ప్లాన్ కాస్తా ఫెయిల్ అయింది. జార్ఖండ్‌లో ఎన్నికలు త్వరలోనే జరుగుతూ ఉండగా.. స్పేర్ టైర్‌లో డబ్బుల కట్టలు బయట పడ్డాయి. ఇందులో దాదాపు 50 లక్షల రూపాయలు ఉంటుంది. గిరిదిహ్ జిల్లాలోని జార్ఖండ్-బీహార్ సరిహద్దు సమీపంలోని డియోరీ పోలీస్ స్టేషన్ ప్రాంతంలో వాహన తనిఖీ సమయంలో ఆదాయపు పన్ను శాఖ అధికారులు ఈ రికవరీ చేశారు. ఈ డబ్బుకు సంబంధించిన మూలాలపై అధికారులు విచారణ మొదలుపెట్టారు.
వైరల్ అవుతున్న వీడియోలో, ఆదాయపు పన్ను, భద్రతా అధికారులు టైర్ నుండి నగదును తీయడం కనిపిస్తుంది. నలుగురు అధికారులు నగదును బయటకు తీయడానికి టైర్‌లోకి తమ చేతులను పెట్టడం చూడొచ్చు.