పసిడి ప్రియులకు గుడ్ న్యూస్

బంగారం ధరలు హెచ్చుతగ్గులు ఎప్పుడూ ఉంటాయి. ఒకసారి పెరిగితే, మరోసారి తగ్గడం మామాలే. అంతర్జాతీయ మార్కెట్ లో ఒడిదుడుకులు, ద్రవ్యోల్బణం, రష్యా - ఉక్రెయిన్ యుద్ధం, కేంద్ర బ్యాంకుల వద్ద బంగారం నిల్వలు వంటి కారణాలు బంగారం ధరలపై ప్రభావం చూపుతుంటాయి. అయితే ధరల హెచ్చు తగ్గుల ప్రభావం బంగారం కొనుగోళ్లు, అమ్మకాలపై పెద్దగా ప్రభావం చూపవు. ఎందుకంటే బంగారానికి భారత్ లో అంత డిమాండ్ ఉంది. భారతీయ సంస్కృతిలో బంగారం భాగమైపోవడంతో దాని విలువను పెద్దగా లెక్కలోకి తీసుకోలేరు. వినియోగం లేకపోయినా పెట్టుబడిగా చూస్తున్న వారు అధికం కావడంతో బంగారం ధరలు నింగినంటుతున్నాయి.