పసిడి పరుగులు ఆగడం లేదే

బంగారం ధరలు పెరుగుతున్నాయంటే గుండెలు గుభేలు మంటాయి. పెళ్లిళ్ల సీజన్ లో అయితే ఎలా కొనాలి అంటూ పేద, మధ్య తరగతి ప్రజలు ఇబ్బంది పడుతుంటారు. సంప్రదాయంలో భాగమైన బంగారాన్ని కొనుగోలు చేయడం వారికి రాను రాను కష్టంగా మారింది. కేంద్ర బ్యాంకుల వద్ద బంగారం నిల్వలు, ద్రవ్యోల్బణం, అంతర్జాతీయ మార్కెట్ లో ధరల ఒడిదుడుకులు, డాలర్ తో రూపాయి తగ్గుదల వంటి కారణాలతో బంగారం ధరలు పెరుగుతుంటాయని మార్కెట్ నిపుణులు చెబుతుంటారు. గత నాలుగు రోజుల్లో పది గ్రాముల బంగారంపై వెయ్యి రూపాయలు పెరిగిందంటే అర్థం చేసుకోవచ్చు. అయినా కొనుగోళ్లు మాత్రం ఆగాయా? అంటే అదీ లేదు. అప్పు చేసైనా సంప్రదాయాలను నిలబెట్టుకోవడం కోసం బంగారాన్ని కొనుగోలు చేస్తుండటంతో వాటి ధర అందనంత దూరంగా వెళుతుంది.