బంగారం భారమాయెగా

బంగారం ధరలు పెరుగుతూనే ఉంటాయి. వాటికి అడ్డుకట్ట పడటం లేదు. పండగ రోజు నుంచి ధరలు పెరుగుతూనే వస్తున్నాయి. కొన్ని రోజులుగా పెరుగుతున్న బంగారం ధరలతో తులం బంగారం ధర అమాంతం పెరిగిపోయింది. వినియోగదారులకు ఇది భారంగా మారనుంది. పెళ్లిళ్ల సీజన్ వస్తుండటంతో బంగారం కొనుగోలు చేయాలంటే కష్టంగా మారుతుందన్న ఆందోళన వ్యక్తమవుతుంది. కేంద్ర బ్యాంకుల వద్ద నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలతో బంగారం ధరలు పెరుగుతున్నాయని మార్కెట్ నిపుణులు చెబుతున్నారు. పేద, మధ్య తరగతి ప్రజలకు అందనంత దూరంగా బంగారం ధరలు ఇప్పటికే పెరిగిపోయాయి. దీంతో మార్కెట్ కొంత డౌన్ అవుతుందేమోనన్న ఆందోళన కూడా వ్యాపార వర్గాల్లో వ్యక్తమవుతుంది.