కొత్త ఏడాది.. తొలి రోజు.. గోల్డ్ రేట్స్

బంగారానికి ఒక రోజు అంటూ ఏమీ లేదు. కొత్త ఏడాది మొదటి రోజు అని మొహమాటం ఎంత మాత్రం లేదు. దాని డిమాండ్ ప్రకారం ధరలు ఎగబాకుతుంటాయి. కొత్త ఏడాది బంగారం పది గ్రాములు అరవై వేల రూపాయలకు చేరుకునే అవకాశముందని నిపుణులు హెచ్చరిస్తూనే ఉన్నారు. దాని ప్రకారం కొత్త ఏడాది తొలి రోజే బంగారం, వెండి ధరలు పెరిగాయి. కేంద్ర బ్యాంకుల వద్ద నిల్వలు, అంతర్జాతీయ మార్కెట్ లో ధరల ఒడిదుడుకులు, డాలర్ తో రూపాయి తగ్గుదల, ద్రవ్యోల్బణం వంటి కారణాలతో బంగారం ధరలు పెరుగుతున్నాయని మార్కెట్ నిపుణులు చెబుతున్నారు. భారతీయ సంస్కృతిలో భాగమైన బంగారానికి ఎప్పుడూ డిమాండ్ అధికంగానే ఉంటుంది. అయితే ధరలు పెరిగే కొద్దీ సామాన్యులు, మధ్యతరగతి ప్రజలు కొనుగోలుకు కొంత ఆలోచిస్తారు. ఇప్పటికే మధ్యతరగతికి అందనంత దూరంలో ధరలు పెరిగాయి. బంగారం ధరలు మరింత పెరిగే అవకాశాలున్నాయని చెబుతుండటంతో ఇక బంగారం కొందరి వస్తువుగానే మారనుంది.