మళ్లీ షాకిచ్చిన పసిడి

బంగారం అంటేనే భారతీయులకు మోజు. అది అపురూపమైన వస్తువుగానూ, గౌరవం ఇచ్చే ఆభరణంగా చూస్తారు. ఒంటిమీద ఎంత బంగారం ఉంటే అంత గౌరవం లభిస్తుందన్న అపోహతోనే మహిళలు ఎక్కువగా బంగారం కొనుగోలుకు ఎక్కువ ప్రాధాన్యత ఇస్తారు. కేంద్ర బ్యాంకుల వద్ద నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలతో బంగారం ధరలు పెరుగుతున్నాయని నిపుణులు చెబుతున్నారు. బంగారం ఎంత ధర పెరిగినా కొనుగోళ్లు మాత్రం ఆగడం లేదు. భారతీయ సంస్కృతిలో భాగంగా మారిన బంగారాన్ని కాస్త ఎక్కువ వెచ్చించైనా కొనుగోలు చేయడానికి ముందుకు వస్తుంటారు. ఆభరణాలనే ఎక్కువ ఇష్పపడతారు. ఇక వెండి కూడా అంతే. ప్రతి ఇంట్లో వెండి ఒక భాగమయిపోయింది. బంగారం పెరుగుదల ఎవరూ ఆపలేరు. అది అంతర్జాతీయ మార్కెట్ లో దిగుమతులు, ఎగుమతుల మీద ఆధారపడి ఉంటుంది.