గోల్డ్ లవర్స్ కు గుడ్‌న్యూస్

బంగారం ధరలు కొద్దిగా తగ్గినా ఎంత ఆనందమో. ఇప్పుడే కొనుగోలు చేయాలనిపిస్తుంది. కేంద్ర బ్యాంకుల్లో ఉన్న బంగారం నిల్వలు, అంతర్జాతీయ మార్కెట్ లో ధరలు పెరుగుదల, ద్రవ్యోల్బణం, డాలర్ తో రూపాయి తగ్గుదల, రష్యా - ఉక్రెయిన్ ల మధ్య ‍యుద్ధం కారణంగా బంగారం ధరలు పెరుగుతాయంటున్నారు మార్కెట్ నిపుణులు. బంగారం ఆపద సమయంలో ఆదుకుంటుంది. ఉన్న డబ్బులతో బంగారాన్ని కొనుగోలు చేస్తే అది కష్టకాలంలోనూ ఉపయోగపడుతుందన్న భావన మొన్న కరోనా సమయంలో ప్రతి ఒక్కరికీ అర్ధమయింది. కరోనా సమయంలో ఉద్యోగాలు లేక, జీతభత్యాలు రాక చివరకు బంగారమే దిక్కయింది. బ్యాంకుల్లో కుదువ పెట్టి మరీ డబ్బులు తెచ్చుకుని ఉపశమనం పొందిన వారు ఎందరో ఉన్నారు. అందుకే బంగారానికి అంత డిమాండ్ పెరిగింది. అదీ కాకుండా రానున్నది పెళ్లిళ్ల సీజన్ కావడంతో కొంత మేర తగ్గినా బంగారాన్ని కొనుగోలు చేయడానికే ఎక్కువ మంది ఇష్టపడుతుంటారు.