నేడు కొనేసుకోండి

పసిడి ప్రియులు ఎప్పుడెప్పుడు బంగారాన్ని కొనుగోలు చేయాలని చూస్తుంటారు. బంగారం ధరలు తగ్గితే వెంటనే కొనుగోలు చేసే వారు అనేక మంది ఉన్నారు. అందులో పెళ్లిళ్ల సీజన్ కావడంతో ధరలు మరింత పెరిగే అవకాశముందని మార్కెట్ నిపుణులు ముందుగానే హెచ్చరికలు జారీ చేశారు. దీనికి తోడు బంగారం ధరలకు కళ్లెం పడటం లేదు. ఇటీవల కాలంలో ధరలు పెరుగుతుండటంతో సామాన్య, మధ్య తరగతి వర్గాలు బంగారాన్ని కొనుగోలు చేయలేని పరిస్థితి. ప్రధానంగా భారతీయ సంస్కృతిలో ఒక భాగంగా మారిన బంగారాన్ని కొనుగోలు చేయడానికి మహిళలు ఆసక్తిగా చూపుతారు. బంగారాన్ని స్టేటస్ సింబల్ గా భావించడంతో వాటి కొనుగోళ్లు మాత్రం ఆగడం లేదు. కానీ అనేక కారణాలతో బంగారం ధరలు ఎప్పటికప్పుడు పెరుగుతున్నాయి. అయినా సరే... వాటికి డిమాండ్ ఏమాత్రం తగ్గడం లేదు.