బంగారం లాంటి న్యూస్

బంగారం ధరలు తగ్గితే సంతోషపడేవాళ్లలో ముఖ్యులు మహిళలే. తమకిష్టమైన ఆభరణాలను కొనుగోలు చేసేందుకు ఇదే మంచి సమయమని వారు భావిస్తారు. అందుకే ధరలు తగ్గినప్పుడల్లా కొనుగోలు చేయడానికి ప్రయత్నిస్తారు. బంగారాన్ని కేవలం ఆభరణాలుగా మాత్రమే చూడకుండా పెట్టుబడిగా భావించే వారు అనేక మంది ఉండటంతో దానికి డిమాండ్ రోజురోజుకూ పెరుగుతుంది. కేంద్ర బ్యాంకుల వద్ద నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలతో బంగారం ధరల్లో మార్పులు చోటు చేసుకుంటాయని చెబుతున్నారు మార్కెట్ నిపుణులు. అయితే ధరలు పెరిగితే భారీగా పెరగడం, తగ్గితే స్వల్పంగా తగ్గడం రివాజుగా మారింది. ధరలతో సంబంధం లేకుండా కొనుగోలు చేసే వారుకొందరయితే, అవసరానికి సరిపడా వస్తువులను కొనుగోలు చేసే వారు మరికొందరు. ఏదిఏమైనా.. ఏ సీజన్ లోనైనా బంగారానికి మాత్రం డిమాండ్ తగ్గదనేది వ్యాపారుల మాట.