ఫ్రైడే.. షాకిచ్చిన గోల్డ్

గత కొద్ది రోజులుగా బంగారం, వెండి ధరలు పెరుగుతూ వస్తున్నాయి. శ్రావణమాసం ఆరంభం నుంచే బంగారం ధరలకు రెక్కలు వచ్చాయి. ఈ మాసంలో శుభకార్యాలు, పెళ్లిళ్లు ఎక్కువగా ఉండటంతో బంగారానికి డిమాండ్ పెరిగింది. బంగారం తరగని వస్తువు. అలాగే దాని రూపం మార్చినా విలువ తగ్గదు. అందుకే దానికి అంత విలువ. బంగారం భారతీయ సంస్కృతిలో ఒక భాగమై పోయింది. పేద - ధనిక తేడా లేకుండా తమకున్న స్థాయిలో కొనుగోలు చేయడం ఆనవాయితీగా వస్తుంది. ఆభరణాలుగా మాత్రమే కాకుండా పెట్టుబడిగా కూడా చూస్తుండటంతో బంగారం డిమాండ్ రోజురోజుకూ పెరుగుతుంది. అందుకే బంగారం ధరలు పెరిగినా పెద్దగా ఎవరూ లెక్క చేయడం లేదు.