Delhi : ఢిల్లీలో దంచి కొడుతున్న వర్షాలు... అవస్థలు పడుతున్న జనాలు

దీంతో రహదారులన్నీ నీటితో నిండిపోయాయి. రహదారులపైకి వచ్చిన వాహనాలు మొరాయిస్తున్నాయి. రహదారిపై రోడ్లు నిలిచిపోవడంతో వాహనాలు నిలిచిపోతున్నాయి. ట్రాఫిక్ ఇబ్బందులు ఎదురవుతున్నాయి. విమానాల రాకపోకలపై కూడా ప్రభావం చూపుతుంది. అనేక విమాన సర్వీసులు రద్దయ్యాయి. ఢిల్లీ అంతర్జాతీయ ఎయిర్‌పోర్టులో టెర్మినల్ వన్ లో పైకప్పు కూలి ఒకరు మరణించారు. విమాన సర్వీసులు రద్దవ్వడంతో ప్రయాణికులు తీవ్ర ఇబ్బంది పడుతున్నారు.

దక్షిణ ఢిల్లీలోని గోవిందపురి ప్రాంతంలో వరదనీరు చేరడంతో ట్రాఫిక్ అంతరాయం ఏర్పడింది. తీన్ మూర్తి మార్గంలో వరద నీరుతో రహదారులపైకి నీరు చేరింది. బస్సు బోల్తాపడటంతో ప్రయాణికులు నీళ్లలో మునిగిపోవడంతో స్థానికులు వెంటనే వారిని రక్షించారు. భారీ వర్షాలతో పార్లమెంటు సభ్యులు కూడా లోక్‌సభ సమావేశానికి రావడానికి అనేక ఇబ్బందులు పడ్డారు. మరికొద్ది రోజులు వర్షాలు పడతాయని, జూన్ 30వ తేదీన మాత్రం భారీ వర్షం నమోదయ్యే అవకాశముందని వాతావరణ శాఖ వెల్లడించింది. లోతట్టు ప్రాంతాలన్నీ జలమయం అయ్యాయి. ప్రజలు సురక్షితంగా ఉండేందుకు అప్రమత్తంగా ఉండాలని పోలీసులు హెచ్చరిస్తున్నారు.