దిగి వచ్చిన బంగారం ధరలు

బంగారం ధరల్లో మార్పులు సహజం. అనేక కారణాలతో బంగారం ధరల్లో నిత్యం మార్పులు చోటు చేసుకుంటుంటాయి. అయితే ధరలతో సంబంధం లేకుండానే కొనుగోళ్లు జరుగుతుంటాయి. వినియోగదారుల అవసరం, వారి వద్ద తగిన డబ్బు ఉంటే చాలు బంగారం కొనుగోలుకు ఒక వేళాపాళా ఉండదు. ఇక పెళ్లిళ్ల సీజన్ కూడా ముగిసింది. శ్రావణమాసం కూడా పూర్తయింది. అయినా బంగారం కొనుగోళ్లు తగ్గవని వ్యాపారులు ధీమా వ్యక్తం చేస్తుంటారు. బంగారానికి భారత్ లో ఉన్న డిమాండ్ అలాంటిది. బంగారం ఒక పెట్టుబడిగా చూసినంత కాలం ఆ వ్యాపారానికి ఎటువంటి ఢోకా లేదు. అందులో సందేహం లేదు. అందుకే బంగారాన్ని కొనుగోలు చేయడానికి నిర్దిష్ట సమయమేదీ పెట్టుకోరన్నది మార్కెట్ నిపుణులు కూడా అంగీకరిస్తున్న విషయం. ఇక బంగారం ధరలు ద్రవ్యోల్బణం, కేంద్ర బ్యాంకుల వద్ద నిల్వలు, అంతర్జాతీయ మార్కెట్ లో ఒడిదుడుకులపై ఆధారపడి ఉంటాయి.