గోల్డ్ రేట్స్ టుడే

బంగారం ధరలు వాటంతట అవే పెరగవు. వాటిని ఎవరూ పెంచరు. తగ్గించరు. కొన్ని కారణాల రీత్యా బంగారం ధరల్లో దేశంలో మార్పులు చోటు చేసుకుంటాయి. ఇప్పుడు పేద, ధనిక తేడా లేకుండా బంగారం కొనుగోలు చేస్తుండటంతో డిమాండ్ కు ఏ మాత్రం కొదువలేదు. చిన్న స్థాయి పట్టణం నుంచి మహానగరం వరకూ అనేక దుకాణాలు మనకు ఎన్నో ఆఫర్లను ప్రకటిస్తున్నాయి. తరుగులో పర్సంటేజీ లేదని కొందరు, ఉందని మరి కొందరు పసిడి ప్రియులను ఆకర్షిస్తుంటారు. ఇక ఎన్నో స్కీమ్ లు కూడా అందుబాటులోకి వచ్చాయి. అందుకే బంగారం ఈరోజుల్లో వాయిదా పద్ధతుల్లో కొనడం సులువుగా మారింది. కేంద్ర బ్యాంకుల వద్ద నిల్వలు, అంతర్జాతీయ మార్కెట్ లో ఒడిదుడుకులు, ద్రవ్యోల్బణం, డాలర్ తో రూపాయి విలువ వంటి కారణాలతో బంగారం ధరల్లో మార్పులు చోటు చేసుకుంటున్నాయని మార్కెట్ నిపుణులు చెబుతున్న మాట.