మళ్లీ షాకిచ్చిన బంగారం ధరలు

సంక్రాంతి పండగకు అందరూ ఆనందంగా ఉన్న సమయంలో బంగారం ప్రియులకు మాత్రం షాక్ ఇచ్చింది. వరసగా రెండు రోజుల పాటు ధరలు పెరుగుతుండటంతో పసిడిప్రియులకు బంగారం అందని వస్తువుగా మారే పరిస్థితి కనపడుతుంది. కేంద్ర బ్యాంకుల్లో బంగారం నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలతో బంగారం ధరలు పెరుగుతున్నాయి. పసిడి మరింత పెరుగుతుందని మార్కెట్ నిపుణులు చేస్తున్న హెచ్చరికలు ఆందోళన కలిగిస్తున్నాయి. ఈ ఏడాది తులం బంగారం 70వేలకు చేరుకునే అవకాశముందన్న అంచనా వినపడుతుంది.